ივა ჭყონია სანქციების საკითხებში ევროკავშირის სპეციალურ წარმომადგენელთან შეხვედრაზე - დარწმუნებული ვარ, იმ მიმართულებით, როგორც დღეს მივდივართ და რაც მოვისმინე, ძალიან მალე მივიღებთ სტატუსს
დარწმუნებული ვარ, იმ მიმართულებით, როგორც დღეს მივდივართ და რაც მოვისმინე, ძალიან მალე მივიღებთ სტატუსს, - ამის შესახებ დისტრიბუციის ასოციაციის ხელმძღვანელმა, ივა ჭყონიამ სანქციების საკითხებში ევროკავშირის სპეციალურ წარმომადგენელთან, დევიდ ო’სალივანთან შეხვედრის შემდეგ განაცხადა.
მისივე თქმით, ბიზნესისგან აინტერესებდათ, თუ რა კლიმატია, რამდენად აქვთ სურვილი ბიზნესწარმომადგენლებს, რომ ევროპის ნაწილი გახდნენ.
„საკმაოდ საინტერესო და მრავლის მეტყველი შეხვედრა იყო. საქართველოს პირდაპირ სანქციებს არ არის შეერთებული.
საქართველო არ უნდა იქცეს ერთგვარ კორიდორად და ნაბიჯი არ უნდა გადავდგათ ისეთი მიმართულებით, რომელიც ჩვენს ევროპულ მომავალს დააზიანებს.
ვიტყოდი, რომ გაცილებით მეტი ჩვენგან, ბიზნესისგან აინტერესებდათ, თუ რა კლიმატია და რამდენად გვაქვს სურვილი ბიზნესწარმომადგენლებს, რამდენად ვართ მზად, ევროპის ნაწილი გავხდეთ. დარწმუნებული ვარ, იმ მიმართულებით, როგორც დღეს მივდივართ და რაც მოვისმინე, ძალიან მალე მივიღებთ სტატუსს. ჩვენ ის ქვეყანა ვართ, ვისაც გვინდა, რომ ევროპის ნაწილი გავხდეთ, მაქსიმალურს ვაკეთებთ. მათთვის განსაკუთრებით მნიშვნელოვანი იყო ბიზნესის ხედვები“,- აღნიშნა ივა ჭყონიამ.
v-if="article.gallery" v-html="article.gallery"
