„ჯივიპი“ უნივერსიტეტის ქუჩის სრული რეაბილიტაციის ფარგლებში, წყალმომარაგების სისტემას აახლებს
„ჯორჯიან უოთერ ენდ ფაუერი“ უნივერსიტეტის ქუჩის რეაბილიტაციის ფარგლებში წყალმომარაგებისა და წყალარინების ქსელებს სრულად აახლებს. ამის შესახებ ინფორმაციას „ჯორჯიან უოთერ ენდ ფაუერი“ ავრცელებს.
კომპანიის ინფორმაციით, სამუშაოები უნივერსიტეტის ქუჩაზე პარალელურად 4 სხვადასხვა მონაკვეთზე მიმდინარეობს.
რეაბილიტაციის შედეგად ჯამში 5.5 კმ-ზე მეტი სიგრძის წყალმომარაგების მაგისტრალური და გამანაწილებელი ქსელი შეიცვლება.
პროექტის ფარგლებში განახლდება 2 კმ-ზე მეტი სიგრძის წყალსადენის და 3 კმ სიგრძის წყალარინების ქსელები, დამონტაჟდება 38 ერთეული ევროსტანდარტის ჩამკეტ-მარეგულირებელი ურდული, 62 საკვანძო ჭა და 8 სახანძრო ჰიდრანტი მოეწყობა.
პროექტის ბოლო ეტაპზე ჩატარდება ქსელზე გადაერთებითი სამუშაოები, რის შემდეგაც ახლადმოწყობილი ქსელი ექსპლუატაციაში შევა.
ჯორჯიან უოთერ ენდ ფაუერმა სარეაბილიტაციო სამუშაოები მიმდინარე წლის ივნისის თვეში დაიწყო და აგვისტოს ბოლოს დაასრულებს. პროექტში კომპანია 4 მლნ ლარზე მეტ ინვესტიციას ახორციელებს.
რეაბილიტაციის შედეგად, ვაკე-საბურთალოს რაიონში უნივერსიტეტისა და მიმდებარე ქუჩების მოსახლეობას წყალმომარაგება მნიშვნელოვნად გაუუმჯობესდება.
v-if="article.gallery" v-html="article.gallery"
