საქართველოს ტექნიკური უნივერსიტეტი თსუ-ის რექტორს AUF-ის ცენტრალური და აღმოსავლეთ ევროპის რექტორთა კონფერენციის ვიცე-პრეზიდენტად არჩევას ულოცავს
საქართველოს ტექნიკური უნივერსიტეტი და პირადად, რექტორი, აკადემიკოსი დავით გურგენიძე თბილისის ივანე ჯავახიშვილის სახელობის სახელმწიფო უნივერსიტეტის რექტორს, აკადემიკოს ჯაბა სამუშიას ფრანკოფონიის საუნივერსიტეტო სააგენტოს (AUF) ცენტრალური და აღმოსავლეთ ევროპის რექტორთა კონფერენციის ვიცე-პრეზიდენტად არჩევას ულოცავს. ამის შესახებ ინფორმაციას სტუ ავრცელებს.
„სასიხარულოა, რომ ფრანკოფონიის საუნივერსიტეტო სააგენტოს ცენტრალური და აღმოსავლეთ ევროპის რექტორთა კონფერენციის ვიცე-პრეზიდენტის საპატიო თანამდებობაზე პირველად დასახელდა საქართველოს წარმომადგენელი - თბილისის ივანე ჯავახიშვილის სახელობის სახელმწიფო უნივერსიტეტის რექტორი, მეცნიერ-ისტორიკოსი და საზოგადო მოღვაწე, ვარშავის უნივერსიტეტის უმაღლესი ჯილდოს, საუნივერსიტეტო მედლის მფლობელი, საქართველოს მეცნიერებათა ეროვნული აკადემიის აკადემიკოსი ჯაბა სამუშია. ვულოცავთ მეგობარი უნივერსიტეტის რექტორს ამ მნიშვნელოვან წარმატებას და ვუსურვებთ ნაყოფიერ სამეცნიერო-პედაგოგიურ მოღვაწეობას, როგორც საქართველოში, ასევე მის ფარგლებს გარეთ“, - აღნიშნულია საქართველოს ტექნიკური უნივერსიტეტის მილოცვაში.
თსუ-ის რექტორი, აკადემიკოსი ჯაბა სამუშია AUF-ის ცენტრალური და აღმოსავლეთ ევროპის რექტორთა კონფერენციის ვიცე-პრეზიდენტად ბუქარესტში (რუმინეთი) გამართულ რექტორთა კონფერენციაზე ქართული დელეგაციის წარდგინებით აირჩიეს.
v-if="article.gallery" v-html="article.gallery"
