ცხინვალის ე.წ. სახელმწიფო უნივერსიტეტში დავით სოსლანის „ვეფხისტყაოსნის“ ავტორობაზე იმსჯელეს
ოკუპირებული ე.წ. სამხრეთ ოსეთის „სახელმწიფო უნივერსიტეტში“ ორშაბათს მწერლისა და საზოგადო მოღვაწის, სურატ ჯიჯითის წიგნის პრეზენტაცია გაიმართა - „ვინ არის პოემა „ვეფხისტყაოსნის“ ნამდვილი ავტორი?" ამის შესახებ „რეს“-ი იუწყება.
"სამხრეთ ოსეთის" ჟურნალ Fidiuæg-ის პროზის განყოფილების რედაქტორმა აზიატ ნანიევამ ისაუბრა ავტორის ცხოვრების გზასა და მოღვაწეობაზე, წიგნის შექმნის ისტორიაზე.
„ამ წიგნის წყალობით ზუსტად ვიცით, ვინ არის „ვეფხისტყაოსნის“ ავტორი. მე არ მინახავს უფრო ზუსტი მტკიცებულება”,- თქვა მან.
„ჩემს შემოქმედებაში მინდოდა ხალხისთვის მეთქვა, რომ პოემა „ვეფხისტყაოსანი“ დავით სოსლანმა დაწერა - სოფელ რუსთაუდან“ - აღნიშნა პოეტმა.
"სამხრეთ ოსეთის" სახელმწიფო უნივერსიტეტის ოსური ლიტერატურის ისტორიის კათედრის ხელმძღვანელის, პროფესორ ჰაცირ პლიევის თქმით, ეს თემა უფრო დეტალურ შესწავლას საჭიროებს.
სააგენტოს ინფორმაციაში ნათქვამია: „პოემის ავტორი, ზოგიერთი წყაროს მიხედვით, ქართველი მწერალი შოთა რუსთაველია, სხვისი აზრით ალანური თავადი დავით-სოსლანი“.
v-if="article.gallery" v-html="article.gallery"
