მარიამ ლაშხმა პარლამენტარიზმის საერთაშორისო დღესთან დაკავშირებულ ღონისძიებაში მიიღო მონაწილეობა
საგარეო ურთიერთობათა კომიტეტის თავმჯდომარის პირველმა მოადგილემ, მარიამ ლაშხმა არგენტინის აუსტრალის უნივერსიტეტის მართვის სკოლის დირექტორის ალფონსო სანტიაგოსა და ამავე უნივერსიტეტის საპარლამენტო სწავლების, კვლევებისა და პერსპექტივების სკოლის ვიცე-დირექტორის, ხუან დე დიოს სინკუნეგის ერთობლივი მოწვევით პარლამენტარიზმის საერთაშორისო დღესთან დაკავშირებულ ღონისძიებაში მიიღო მონაწილეობა. ამის შესახებ იფნორმაციას პარლამენტის პრესსამსახური ავრცელებს.
მათი ცნობით, საერთაშორისო ღონისძიებას აუსტრალის უნივერსიტეტის პოლიტიკის, მართვისა და საერთაშორისო ურთიერთობების სკოლამ და ბუენოს-აირესის მთავრობის პოლიტიკური მენეჯმენტისა და საჯარო ფუნქციონირების ინსტიტუტმა ონლაინ ფორმატში უმასპინძლა.
„ღონისძიების მონაწილეებმა სხვადასხვა აქტუალური საკითხი მიმოიხილეს, მათ შორის: პარლამენტისა და პარლამენტარების როლი უკეთესი მსოფლიოს შენებაში.
მარიამ ლაშხმა მსოფლიოში მშვიდობის მნიშვნელობაზე, გლობალიზაციის პროცესსა და დემოკრატიულ ღირებულებებზე ისაუბრა.
ყურადღება ასევე გაამახვილა საპარლამენტო დიპლომატიასა და მის როლზე, ასევე შეეხო გენდერული თანასწორობის საკითხებს“, - აღნიშნულია ინფორმაციაში.
v-if="article.gallery" v-html="article.gallery"
