ვლადიმერ პუტინი შანხაის თანამშრომლობის ორგანიზაციის სამიტზე სიტყვით გამოვა

დაჯგუფება „ვაგნერის“ ლიდერის ამბოხების შემდეგ რუსეთის პრეზიდენტი ვლადიმერ პუტინი საერთაშორისო სამიტში მონაწილეობას პირველად მიიღებს.

BBC-ის ინფორმაციით, რუსეთის პრეზიდენტი ჩინეთის, პაკისტანის, ინდოეთისა და ცენტრალური აზიის ქვეყნების ლიდერებთან ერთად შანხაის თანამშრომლობის ორგანიზაციის სამიტს ვირტუალურად დაესწრება.

მედიის ცნობით, წელს ორგანიზაციის მასპინძელი ქვეყანა ინდოეთია და შესაბამისად, ღონისძიებას ინდოეთის პრემიერ-მინისტრი ნარენდა მოდი უხელმძღვანელებს.

წინასწარი ინფორმაციით, ლიდერები უსაფრთხოების, ეკონომიკისა და კლიმატის ცვლილების საკითხებს განიხილავენ. ღონისძიების ფარგლებში დაგეგმილია ვლადიმერ პუტინის სიტყვით გამოსვლაც.