რატი ბრეგაძე სააკაშვილზე - ეს ადამიანი თავად იწამებს თავს და თუ ვინმე აწამებს, ეს არის მისი პოლიტიკური გარემოცვა - სრულიად უსამართლოა ბრალდება, თითქოს პოლონელ ექიმებს არ უშვებენ
ეს წამება კი არა თვითწამებაა. ეს ადამიანი [მიხეილ სააკაშვილი] თავად იწამებს თავს და თუ მას ვინმე აწამებს, ეს არის მისი პოლიტიკური გარემოცვა , - ამის შესახებ საქართველოს იუსტიციის მინისტრმა, რატი ბრეგაძემ ქვეყნის მესამე პრეზიდენტ მიხეილ სააკაშვილთან დაკავშირებით განაცხადა.
მისივე თქმით, მიხეილ სააკაშვილს მისივე გარემოცვის წევრები ვნებენ.
"ისინი შიმშილს უწოდებდნენ გმირობას და პირდაპირ მოუწოდებდნენ, რომ არ გაებედა, რომ შეეწყვიტა შიმშილობა. როგორ შეიძლება შენ დაინტერესებული იყო ადამიანის კარგი ჯანმრთელობით და მას შიმშილობას აიძულებდე. რაც შეეხება წამებას - ეს წამება კი არა თვითწამებაა. ეს ადამიანი თავად იწამებს თავს და თუ მას ვინმე აწამებს, ეს არის მისი პოლიტიკურო გარემოცვა", - განაცხადა ბრეგაძემ.
რაც შეეხება პოლონელი ექიმების მიერ ექსპრეზიდენტის მონახულების საკითხს - როგორც ბრეგაძე აღნიშნავს, უსამართლოა ბრალდება, რომ სააკაშვილთან პოლონელ ექიმებს არ უშვებენ.
მისივე თქმით, სამინისტრომ მიხეილ სააკაშვილის მკურნალობის პროცესში მისთვის სასურველი ექიმების ჩართვის შეთავაზება გასული წლის ნოემბერში გააკეთა, თუმცა მისმა ოჯახმა ოფიციალური წერილით სამინისტროს მხოლოდ 4 თვის შემდეგ მიმართა და განაცხადი არასრულფასოვნად იყო წარდგენილი.
"როდესაც ადამიანი არის ცუდად და მას უნდა რომ მასთან რაც შეიძლება სწრაფად შევიდნენ ექიმები, მან და მისმა გარემოცვამ 4 თვის შემდგომ არ უნდა გამოაგზავნოს არასრულფასოვანი წერილი მაშინ, როდესაც მშვენივრად იცის რომ ასე ვერ შევა. სრულიად უსამართლო არის ბრალდება, თითქოსდა პოლონელ ექიმებს არ უშვებენ. ამით სურთ აჟიოტაჟის გამოწვევა და ის, რომ ამ ადამიანის სახელი და გვარი მუდმივად იყოს გაჟღერებული და იყოს აქტუალური",-აღნიშნა მინისტრმა.
This is a modal window.
v-if="article.gallery" v-html="article.gallery"
