გიტანას ნაუსედა - წარმატება იქნება, თუ ვილნიუსის სამიტის მონაწილეები იტყვიან იმაზე მეტს, ვიდრე 2008 წელს ბუქარესტის სამიტზე თქვეს - ვიპოვით ფორმულირებებს, რომელიც უკრაინელებს იმედს არ გაუცრუებს
ლიეტუვის პრეზიდენტის, გიტანას ნაუსედას განცხადებით, ვილნიუსში ნატო-ს სამიტზე შესაძლებელი იქნება უკრაინის შესახებ ისეთი ვალდებულებების შეთანხმება, რაც მას იმედი არ გაუცრუებს. ინფორმაციას უკრაინული მედია ავრცელებს.
მისი შეფასებით, ვილნიუსში ჩასული უკრაინის პრეზიდენტი, ვოლოდიმირ ზელენსკი „მიიღებს, ალბათ არა ყველაფერს, რასაც ის თავის გეგმებში ელოდება, მაგრამ ის აუცილებლად მიიღებს ბევრს“.
„მაქვს განცდა, რომ მაინც ვიპოვით იმ ფორმულირებებს, რომელიც უკრაინელებს იმედს არ გაუცრუებს და იმაზე მეტს იტყვის, ვიდრე მიჩვეული ვართ ხმამაღლა გაჟღერებას“, - დასძინა ნაუსედამ.
მისი აზრით, წარმატება იქნება, თუ სამიტის მონაწილეები იტყვიან იმაზე მეტს, ვიდრე 2008 წელს ბუქარესტის სამიტზე.
ლიეტუვის პრეზიდენტის თქმით, ცალკეული სახელმწიფოები ვილნიუსში თავიანთი დამატებითი მხარდაჭერის პაკეტებით ჩავლენ.
This is a modal window.
v-if="article.gallery" v-html="article.gallery"
