რელიგიურ ორგანიზაციებს შორის საჭადრაკო ტურნირის გამარჯვებულები გამოვლინდნენ
რელიგიურ ორგანიზაციებს შორის საქართველოს მეორე გუნდური ჩემპიონატი ჭადრაკში დასრულდა.
რელიგიის სახელმწიფო სააგენტოს მიერ გავრცელებული ინფორმაციით, მეორე საჭადრაკო ტურნირის გამარჯვებული საქართველოს მუსლიმთა სამმართველოს გუნდი გახდა, მეორე ადგილი საქართველოს მართლმადიდებელი ეკლესიის გუნდმა დაიკავა, ხოლო, მესამე საპრიზო ადგილზე საქართველოს სახარების რწმენის ეკლესიის გუნდი გავიდა.
მათივე ცნობით, ჩემპიონატში მონაწილეობდნენ: საქართველოს სამოციქულო ავტოკეფალური მართლმადიდებელი ეკლესიის, საქართველოს მუსლიმთა სამმართველოს, სომეხთა სამოციქულო მართლმადიდებელი ეკლესიის საქართველოს ეპარქიის, ლათინ კათოლიკეთა კავკასიის სამოციქულო ადმინისტრაციის, საქართველოს ებრაელთა კავშირის, თბილისის საერთაშორისო ბაპტისტური ეკლესიის, საქართველოს ბაპტისტური ეკლესიების კავშირის, საქართველოს ევანგელურ-ლუთერული ეკლესიის, საქართველოს ევანგელურ-პროტესტანტული ეკლესიის, საქართველოს სახარების რწმენის ეკლესიის, საქართველოს ეზიდთა სასულიერო საბჭოსა და ასევე, რელიგიის სააგენტოს გუნდები.
v-if="article.gallery" v-html="article.gallery"
