მეთიუ მილერი - რუსული ჯარის მიერ ზაპოროჟიეს ატომურ ელექტროსადგურზე ბირთვული კატასტროფის შექმნის შემთხვევაში რუსეთს გარდაუვალი პასუხისმგებლობა ელის

აშშ-ს სახელმწიფო დეპარტამენტის პრესმდივნის მეთიუ მილერის განცხადებით, რუსული ჯარის მიერ ზაპოროჟიეს ატომურ ელექტროსადგურზე ბირთვული კატასტროფის შექმნის შემთხვევაში რუსეთს გარდაუვალი პასუხისმგებლობა ელის.

„რუსეთის ხელმძღვანელობა კარგად უნდა დაფიქრდეს იმაზე, ნამდვილად სურს თუ არა ბირთვული კატასტროფის შექმნით გარისკვა, რადგან, თუ ეს მოხდა, საერთაშორისო საზოგადოების მხრიდან ის პასუხისგებაში მიეცემა. ეს აბსოლუტურად გარდაუვალია“, - განაცხადა მეთიუ მილერმა.

მისივე თქმით, აშშ ყურადღებით ადევნებს თვალს ზაპოროჟიეს ატომური ელექტროსადგურის გარშემო შექმნილ ვითარებას და მასზე ატომური ენერგიის საერთაშორისო სააგენტოს წარმომადგენლების სრულ დაშვებას ითხოვს და რუსეთმა ამ პროცესს ადგილზე ხელი უნდა შეუწყოს.