პოლონელი დეპუტატი სააკაშვილის ნიმუშის გატანის მცდელობაზე - პოლონური მხარის სწრაფი და მძაფრი რეაქცია უნდა მოჰყვეს
პოლონელი დეპუტატი ტომაშ იასკოლა აცხადებს, რომ საქართველოს მესამე პრეზიდენტ მიხეილ სააკაშვილთან პოლონელი ექიმების ვიზიტისას მომხდარ ინციდენტს პოლონური მხარისგან "სწრაფი და მძაფრი" რეაქცია უნდა მოჰყეს.
„ამას პოლონური მხარის სწრაფი და მძაფრი რეაქცია უნდა მოჰყვეს“, - წერს ის „ტვიტერზე“.
შეგახსენებთ, სპეციალურმა პენიტენციურმა სამსახურმა მესამე პრეზიდენტთან, მიხეილ სააკაშვილთან პოლონელი ექიმების ვიზიტთან დაკავშირებით განცხადება და კადრები გაავრცელა. განცხადების თანახმად, ვიზიტის განმავლობაში, ერთ-ერთი პოლონელი ექიმისგან ადგილი ჰქონდა „გაუგებარ ინციდენტს“, კერძოდ, მსჯავრდებულ მიხეილ სააკაშვილისგან აღებული ნიმუში, პოლონელმა ექიმმა გადაახვია ქაღალდში და ცდილობდა მის მალულად გატანას ფეხსაცმლის მეშვეობით. ამასთან, უწყება განმარტავს, რომ ოფიციალური წესით აღებული ნიმუშის გატანის უფლება მათ მისცა სამსახურმა, შესაბამისად, აღნიშნული ქმედება „ექიმის მხრიდან სამედიცინო ეთიკურ და სამართლებრივ ნორმებთან შეუსაბამო საქციელს კიდევ უფრო მეტად მატებს ბუნდოვანებას".
v-if="article.gallery" v-html="article.gallery"
