ლიეტუვას პორტის გენერალური დირექტორის განცხადებით, პორტი მზად არის 10 მილიონი ტონა უკრაინული მარცვლეულის გადატვირთვა უზრუნველყოს
ლიეტუვას უმსხვილესი პორტის, კლაიპედის პორტის გენერალური დირექტორის, ალგის ლატაკასის განცხადებით, რუსეთის მხრიდან მარცვლეულის შეთანხმების გაგრძელების უარის თქმის ფონზე, პორტი მზად არის დაუყოვნებლივ 10 მილიონი ტონა უკრაინული მარცვლეულის გადატვირთვა უზრუნველყოს.
მისივე თქმით, ბალტიის სანაპირომდე ტვირთის მიწოდების ლოგისტიკა უკიდურესად მძიმე რჩება.
„გვაქვს უზარმაზარი პრობლემა, რომელიც ბევრ საკითხთან, სხვადასხვა ქვეყანასთან, შეთანხმებებთან და ინტერესებთან არის დაკავშირებული. თუ ეს საკითხი გადაწყდა, კლაიპედა უკვე დღეს უკრაინული მარცვლეულის ნაწილის 100-პროცენტიანი მომსახურების უზრუნველყოფას შეძლებს ", - განაცხადა ალგის ლატაკისმა.
შეგახსენებთ, რომ ლიეტუვას პრეზიდენტის, გიტანას ნაუსედას განცხადებით, მისი ქვეყანა ბალტიის ზღვაში მარცვლეულის ექსპორტის ალტერნატიული გზების ძიებას განაგრძობს.
v-if="article.gallery" v-html="article.gallery"
