რუსეთის საელჩო აშშ-ის ახალ სანქციებზე - ვაშინგტონის ქმედებები ადასტურებს, რომ მოსკოვის კურსი, რომელიც მიმართულია თავდაცვისუნარიანობის გაძლიერებისკენ, გამართლებულია
შეერთებული შტატების დესტრუქციული ქმედებები ადასტურებს, რომ რუსეთის კურსი, გააძლიეროს საკუთარი თავდაცვისუნარიანობა, ფინანსური და ტექნოლოგიური სუვერენიტეტი, გამართლებულია, - ასე ეხმაურება აშშ-ში რუსეთის საელჩო რუსი ფიზიკური და იურიდიული პირების მიმართ აშშ-ის მიერ ახალი სანქციების დაწესებას.
"მნიშვნელოვანია, რომ რეპრესიების ახალი რაუნდი მიზნად ისახავს შიდა სამხედრო-სამრეწველო კომპლექსისა და ენერგეტიკის პოტენციალის შეზღუდვას, ასევე საერთაშორისო ფინანსურ სისტემაზე წვდომის გართულებას. თეთრი სახლის დესტრუქციული ქმედებები მხოლოდ ადასტურებს, რომ რუსეთის კურსი, გააძლიეროს საკუთარი თავდაცვისუნარიანობა, ფინანსური და ტექნოლოგიური სუვერენიტეტი, გამართლებულია“, - აღნიშნულია საელჩოს განცხადებაში.
შეგახსენებთ, გუშინ ცნობილი გახდა, რომ შეერთებულმა შტატებმა რუსეთის წინააღმდეგ სანქციები გააფართოვა. ახალი სანქციები 120-მდე ფიზიკურ პირსა და ორგანიზაციას დაუწესა, რაც მიზნად ისახავს რუსეთისთვის სხვადასხვა სახის ელექტრონულ მოწყობილობებზე წვდომის შეზღუდვას. სანქცირებულ პირებსა და ორგანიზაციებს შორის არის რამდენიმე რუსული ბანკი და ოფიციალური პირი, მათ შორის მინისტრის მოადგილეები.
v-if="article.gallery" v-html="article.gallery"
