გურამ ოქროპირიძე - სპორტისა და ახალგაზრდული პროგრამების მიმართულებით ჯამში ბიუჯეტი 3,700 ათასი ლარით იზრდება

თბილისის საკრებულოში გამართულ სხდომაზე სპორტისა და ახალგაზრდულ საქმეთა კომისიის თავმჯდომარემ, გურამ ოქროპირიძემ გაზრდილ ბიუჯეტთან დაკავშირებით განცხადება გააკეთა.

მისი თქმით, სპორტისა და ახალგაზრდული პროგრამების მიმართულებით ჯამში ბიუჯეტი 3,700 ათასი ლარით იზრდება.

„სპორტული ღონისძიებების ნაწილში ბიუჯეტი 1, 700,0 ათასი ლარით იზრდება, რაც სპორტულ ღონისძიებებს, წარმატებული სპორტსმენების დაჯილდოებას და დაქვემდებარებული ააიპ-ების ხელშეწყობას მოხმარდება. ასევე, ახალგაზრდული ღონისძიებების ხელშეწყობის ნაწილში ბიუჯეტი 500 ათასი ლარით იზრდება და რაც ძალიან მნიშვნელოვანია, „გლდანი-ნაძალადევის კომპლექსური სპორტული ცენტრის“ სტრუქტურული ერთეულის გლდანის აუზის რეაბილიტაციისთვის 1,500,0 ლარი გვექნება“, - აღნიშნა გურამ ოქროპირიძემ.