ჩრდილოეთ კორეა რუსეთისა და ჩინეთის დელეგაციებს უმასპინძლებს

რუსეთის დელეგაცია, თავდაცვის მინისტრის, სერგეი შოიგუს ხელმძღვანელობით ჩრდილოეთ კორეას ეწვევა, - ინფორმაციას მედია საშუალებები კორეის ცენტრალურ საინფორმაციო სააგენტოზე (KCNA) დაყრდნობით ავრცელებენ.

მათივე ინფორმაციით, ვიზიტი „გამარჯვების დღის" 70 წლის იუბილესთან დაკავშირებით, მიმდინარე კვირაშია დაგეგმილი.

ამავე პერიოდში, 26 ივლისიდან, ფხენიანს ჩინეთის დელეგაციაც ეწვევა, რომელსაც პოლიტბიურო წევრი, ლი ჰონჯონგი უხელმძღვანელებს.

დაგეგმილი ღონისძიებების ფარგლებში, კიმ ილ სუნის მოედანზე ჩრდილოეთ კორეის ბირთვულ რაკეტებსა და სხვა სამხედრო მიღწევებს წარადგენენ.