ეროვნული ბანკი - 2023 წლის ივნისში, წინა თვესთან შედარებით, საქართველოს კომერციული ბანკების მთლიანი აქტივები  3.2 პროცენტით გაიზარდა

საქართველოს ეროვნული ბანკი კომერციული ბანკების აქტივების შესახებ ინფორმაციას ავრცელებს.

2023 წლის ივნისის ბოლო მდგომარეობით, საქართველოს საბანკო სექტორი 15 კომერციული ბანკითაა წარმოდგენილი; მათ შორის 13-საწესდებო კაპიტალში უცხოური კაპიტალის მონაწილეობით. 2023 წლის ივნისში, წინა თვესთან შედარებით, საქართველოს კომერციული ბანკების მთლიანი აქტივები (მიმდინარე ფასებში) 2.17 მლრდ ლარით, ანუ 3.2 პროცენტით გაიზარდა (გაცვლითი კურსის ეფექტის გარეშე 2.83 პროცენტით გაიზარდა) და 2023 წლის ივნისის ბოლოს 69.9 მლრდ ლარი შეადგინა.

საბანკო სექტორის სააქციო კაპიტალი 9.6 მლრდ ლარს შეადგენს, რაც კომერციული ბანკების მთლიანი აქტივების 13.8 პროცენტია.

წინამდებარე სტატისტიკური ინფორმაცია საქართველოს ეროვნული ბანკის ვებგვერდზე, სტატისტიკის რუბრიკაში ქვეყნდება.