ტერორისტულ დანაშაულზე მიმდინარე გამოძიების ფარგლებში დაკავებულ ორ პირს პატიმრობა შეფარდა
მოსამართლემ ტერორიზმის საქმეზე დაკავებულ ორ პირს აღკვეთის ღონისძიების სახით პატიმრობა შეუფარდა.
თბილისის საქალაქო სასამართლოში ტერორიზმის საქმეზე დაკავებულების სასამართლო პროცესი დახურულ რეჟიმში წარიმართა, რადგან საქმეს გრიფი "საიდუმლო" ადევს.
პროკურატურამ ბრალდებულების მიმართ აღკვეთის ღონისძიების სახით პატიმრობის გამოყენების შუამდგომლობა დააყენა, დაცვის მხარე კი ბრალდებულების გირაოს სანაცვლოდ გათავისუფლებას მოითხოვდა.
ტერორისტულ დანაშაულზე მიმდინარე გამოძიების ფარგლებში დაკავებულ ორივე პირს ბრალი საბრძოლო მასალის, ფეთქებადი ნივთიერების და ასაფეთქებელი მოწყობილობის მართლსაწინააღმდეგო შეძენა-შენახვის მუხლით აქვთ წარდგენილი.
სახელმწიფო უსაფრთხოების სამსახურის ცნობით, ჩხრეკის შედეგად ამოღებულია დროშები ტერორისტული ორგანიზაცია „ისლამური სახელმწიფოს“ სიმბოლიკით და სხვადასხვა სახის ელექტრონული ინფორმაციის მატარებელი მოწყობილობა. ამასთან, დაკავებულების საცხოვრებელი სახლებიდან ამოღებულია საბრძოლო მასალა, ასაფეთქებელი მოწყობილობა და ფეთქებადი ნივთიერებები.
This is a modal window.
v-if="article.gallery" v-html="article.gallery"
