არსებული ინფორმაციით, საკრუიზო ლაინერ „ასტორია გრანდედან“ რუსი ტურისტების ნაწილი რამდენიმე მიკროავტობუსით გამოიყვანეს

არსებული ინფორმაციით, საკრუიზო ლაინერ „ასტორია გრანდედან“ რუსი ტურისტების ნაწილი რამდენიმე მიკროავტობუსით გამოიყვანეს.

ისინი პორტის ტერიტორიას შეძახილების და პროტესტის ფონზე ტოვებენ. ადგილზე მობილიზებულები არიან სამართალდამცავებიც.

აქციის მონაწილეები სკანდირებდნენ „მონებო“.

ცნობისთვის, ბათუმის პორტში სოჭიდან წამოსულ საკრუიზო ლაინერ "ასტორია გრანდეს" საპროტესტო აქციით დახვდნენ. პორტთან აქციას მართავენ რიგითი მოქალაქეები და ოპოზიციური პარტიების წარმომადგენლები.

მოქალაქეებმა შეკრება გვიან ღამით დაიწყეს. ადგილზე დიდი რაოდენობით პოლიციელია მობილიზებული. მოწყობილია რკინის ჯებირები.