რომის პაპი ლისაბონში ჩავიდა, სადაც ახალგაზრდობის მსოფლიო დღე აღინიშნება

რომის პაპი ფრანცისკე ლისაბონში ჩავიდა, სადაც ახალგაზრდობის მსოფლიო დღე აღინიშნება.

მედიის ცნობით, რომის პაპი ლისაბონში ხუთდღიანი ვიზიტით ჩავიდა.

„რომის პაპმა უკვე მიმართა პორტუგალიის ხელისუფლებას და სამოქალაქო საზოგადოების წარმომადგენლებს. მოგვიანებით ის ადგილობრივ სამღვდელოებას შეხვდება“, - ნათქვამია განცხადებაში.

ვიზიტის პროგრამაში ასევე ქალაქ ფატიმაში მდებარე ღვთისმშობლის სამლოცველოს მონახულებაა.

ახალგაზრდა მორწმუნეთა ფესტივალზე, ძირითადად კათოლიკეების, მილიონამდე მონაწილეს ელოდებიან მსოფლიოს ყველა კონტინენტიდან.