ალექსანდრე სამსონიძე - პარტია ,,ხალხისთვის'' -რაჭაში მიმდინარე მოვლენები უკავშირდება კლიმატური ცვლილებების საკითხს - შეიქმნას სამთავრობო დონის კომისია, რომელიც სიღრმისეულად შეისწავლის კლიმატური ცვლილებებით გამოწვეულ საშიშროებებს საქართველოში
პარტია „ხალხისთვის“ მდივანი, ალექსანდრე სამსონიძე საქართველოს მთავრობას კლიმატური ცვლილებების საკითხთან დაკავშირებით კომისიის შექმნისკენ მოუწოდებს.
მისივე თქმით, საქართველო განიცდის კლიმატის ცვლილების საგანგაშო შედეგებს, რაც აშკარაა ექსტრემალური ამინდის მოვლენებში და სტიქიურ უბედურებებში.
„აშკარაა, რომ ჩვენი ყოვლისმომცველი ეკოლოგიურად სუფთა პოლიტიკის არარსებობა ამწვავებს ამ სიტუაციას, საფრთხეში აყენებს ჩვენს საზოგადოებას, გარემოებასა და ეკონომიკას. დღევანდელი კატასტროფა, კერძოდ კი რაჭაში, სოფელ შოვში ჩამოწოლილი მეწყერი აშკარა მოწოდებაა გადაუდებელი ქმედებისკენ. შესაბამისად, მოვუწოდებ საქართველოს მთავრობას, შეიქმნას სამთავრობო დონის კომისია, რომელიც სიღრმისეულად შეისწავლის კლიმატური ცვლილებებით გამოწვეულ საშიშროებებს საქართველოში, დაუყოვნებლივ წარმოადგენს შესაბამის დასკვნას და სამოქმედო გეგმას. ჩვენ პრიორიტეტი უნდა მივცეთ მდგრად განვითარებას, კონსერვაციას და გამძლეობას, რათა დავიცვათ ჩვენი ქვეყანა და მომავალი,“ - განაცხადა ალექსანდრე სამსონიძემ.
v-if="article.gallery" v-html="article.gallery"
