ირაკლი კობახიძე - წლების განმავლობაში, კონსორციუმმა, რომელსაც ხელმძღვანელობდა ბატონი ხაზარაძე, ვერ მოახერხა ანაკლიაში ინვესტიციების მოზიდვა, ვერც დასავლურის, ვერც აღმოსავლურის, ვერც სამხრეთულის და ვერანაირი

ინვესტიციებისთვის ჩვენი კარი, ბუნებრივია, ღიაა - იმედი მაქვს, ძალიან მალე დაიწყება ის პროცესი, რომელიც დამთავრდება ანაკლიის პორტის წარმატებით მშენებლობით, - ამის შესახებ „ქართული ოცნების“ თავმჯდომარე, ირაკლი კობახიძემ განაცხადა, რითაც „ნაციონალური მოძრაობის“ წევრის, გიორგი კაპანაძის განცხადებას გამოეხმაურა იმასთან დაკავშირებით, რომ “ღარიბაშვილის ჩინეთში ვიზიტის ძირითადი საფუძველი იყო თუ როგორ ჩაიგდონ ხელში, ბიძინა ივანიშვილმა და მისმა ბიზნეს-პარტნიორებმა ანაკლიის პორტის მშენებლობა და შემდეგ მისი მართვა, მათ შორის ჩინური კომპანიების გამოყენებით”.

როგორც კობახიძე აღნიშნავს, კონსორციუმმა, რომელსაც „ლელოს“ ლიდერი, მამუკა ხაზარაძე ხელმძღვანელობდა, წლების განმავლობაში, ანაკლიაში ინვესტიციების მოზიდვა ვერ მოახერხა და საქართველოს ხელისუფლება ქვეყანაში ინვესტიციების განხორციელებას მიესალმება.

„ჩვენთვის ინვესტიციები არის მხოლოდ და მხოლოდ მისასალმებელი. თქვენ იცით, რომ წლების განმავლობაში კონსორციუმმა, რომელსაც ხელმძღვანელობდა ბატონი ხაზარაძე, ვერ მოახერხა ანაკლიაში ინვესტიციების მოზიდვა, ვერც დასავლურის, ვერც აღმოსავლურის, ვერც სამხრეთულის და ვერანაირი. ნუ, ეს არის, რა თქმა უნდა, მათი, ასე ვთქვათ, არაეფექტური საქმიანობის შედეგი. ჩვენ მივესალმებით, რა თქმა უნდა, ინვესტიციებს. ეს არის ჩვენი პოლიტიკა. ჩვენ გვაქვს ლიბერალური ეკონომიკური პოლიტიკა და ინვესტიციებისთვის ჩვენი კარი არის, ბუნებრივია, ღია. აქედან გამომდინარე, ყველაფერი გაკეთდება იმისათვის, რომ განვითარდეს ანაკლიის პორტი, რასაც აქვს, ბუნებრივია, ჩვენი ქვეყნისთვის სტრატეგიული მნიშვნელობა. სწორედ ამისათვის ჩაწერა შესაბამისი ტექსტი საქართველოს კონსტიტუციაში ანაკლიასთან დაკავშირებით. ეს დღემდე რჩება, ბუნებრივია, ჩვენს ერთ-ერთ უმთავრეს პრიორიტეტად და იმედი მაქვს, რომ ძალიან მალე დაიწყება ის პროცესი, რომელიც დამთავრდება ანაკლიის პორტის წარმატებით მშენებლობით,“ - განაცხადა კობახიძემ.

გიორგი სანიკიძე - რუსეთში დღეს იმდენად დიდია დაბნეულობა, იმდენადაა იგი გარიყული საერთაშორისო ასპარეზიდან და დასუსტებულია, არა მგონია მას სამხრეთ კავკასიაში მიზანმიმართული პოლიტიკის განხორციელების უნარი ჰქონდეს
ქართული პრესის მიმოხილვა 02.10.2023
მისაბმელი ტრაილერების მწარმოებელი გერმანული კომპანია „შმიტც კარგობული“ (Schmitz Cargobull) საქართველოს ბაზარზე შემოვიდა
კახა ოქრიაშვილი - ასეთი სუს-ის იმედზეა ბიძინა ივანიშვილი და ჩვენი საწყალი ქვეყანა?
დრესაპ ჯგუფი აჭარის რეგიონში 14 ახალ მაღაზიას ხსნის
თინეთი DeGameFi-ს ოფიციალური პარტნიორია
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა