შალვა პაპუაშვილი ფინეთის პარლამენტის თავმჯდომარეს შეხვდა

საქართველოს პარლამენტის თავმჯდომარე შალვა პაპუაშვილი ფინეთის პარლამენტის ახლადარჩეულ თავმჯდომარეს, იუსი ჰალა-აჰოს შეხვდა. ინფორმაციას საქართველოს პარლამენტი ავრცელებს.

მათივე ცნობით, შალვა პაპუაშვილმა მას პარლამენტის თავმჯდომარედ არჩევა მიულოცა და საქმიანობაში წარმატება უსურვა. აგრეთვე, გამოხატა მადლიერება ფინეთის მხრიდან საქართველოს ტერიტორიული მთლიანობის მხარდაჭერისთვის.

„პარლამენტის თავმჯდომარემ ევროკავშირსა და ნატოში გაწევრიანების გზაზე საქართველოს პროგრესზე ისაუბრა. ხაზი გაუსვა საქართველოს ევროპული მისწრაფებებისადმი ერთგულებასა და გასულ წელს ევროკავშირის მიერ აღიარებული ევროპული პერსპექტივის მნიშვნელობას. აღინიშნა, რომ საქართველო ევროკავშირის კანდიდატი ქვეყნის სტატუსის მისაღებად მზად არის, რაშიც საქართველოს ფინეთის მხარდაჭერა ექნება, რისთვისაც შალვა პაპუაშვილმა იუსი ჰალა-აჰოს მადლობა გადაუხადა.

მხარეებმა, აგრეთვე, უკრაინის წინააღმდეგ რუსეთის ომი და მისი გეოპოლიტიკური შედეგები, სამხრეთ კავკასიის უსაფრთხოების გარემო და რეგიონში მიმდინარე მოვლენები მიმოიხილეს.

შეხვედრას საქართველოს მხრიდან ასევე ესწრებოდნენ დელეგაციის წევრები, დეპუტატები - ევროპის საბჭოს საპარლამენტო ასამბლეაში საქართველოს პარლამენტის მუდმივმოქმედი დელეგაციის ხელმძღვანელი ირაკლი ჩიქოვანი და გარემოს დაცვისა და ბუნებრივი რესურსების კომიტეტის თავმჯდომარე, საქართველო-ირლანდიის საპარლამენტო მეგობრობის ჯგუფის ხელმძღვანელი მაია ბითაძე,“ - აღნიშნულია გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024