გიორგი ბოტკოველი - თუ ვინმეა ქვეყნის გადამტრიალებელი, „ქართული ოცნებაა“ - ყოველი არჩევნების წინ, სუს-ში იწყება გამოძიება, თუმცა არცერთი გამოძიების შედეგი ნანახი არ გვაქვს

ყოველი არჩევნების, აქტიური პერიოდის წინ, სუს-ში იწყება გამოძიება, თუმცა არცერთი გამოძიების შედეგი ნანახი არ გვაქვს - თუ ვინმეა ქვეყნის გადამტრიალებელი, „ქართული ოცნებაა“, - ამის შესახებ „ნაციონალური მოძრაობის“ რეგიონულმა მდივანმა გიორგი ბოტკოველმა სუს-ში სამოქალაქო არეულობის სავარაუდო დაგეგმვის საქმესთან დაკავშირებით მიმდინარე გამოძიებაზე საუბრისას ჟურნალისტებს განუცხადა.

მისი თქმით, აღნიშნული საქმე შეთითხნილი, რუსული მეთოდია.

„მხოლოდ სასაცილოდ შეიძლება შევაფასოთ სუს-ის განცხადება [ქვეყანაში არეულობის გეგმაზე]. ყოველი არჩევნების, აქტიური პერიოდის წინ, სუს-ში იწყება გამოძიება, თუმცა არცერთი გამოძიების შედეგი ნანახი არ გვაქვს. ესეც შეთითხნილი, რუსული მეთოდია, რაც ამ ქვეყანაში აღარ გაჭრის. გვინახავს „საბურავების საქმე“, ასევე მოგვისმენია ათასი განცხადება, რომ ვიღაც იმას გეგმავს, ვიღაც - ამას. თუ ვინმეა ქვეყნის გადამტრიალებელი, „ქართული ოცნებაა“. გადატრიალებაა, როდესაც ქვეყანას უცვლი კურსს, რომელიც ხალხის არჩევანია. მთავარი გადამტრიალებელი არის „რუსული ოცნება“, რომელიც მალე უნდა დასრულდეს“,- განაცხადა გიორგი ბოტკოველმა.

შეგახსენებთ, რომ 18 სექტემბერს სახელმწიფო უსაფრთხოების სამსახურმა გაავრცელა განცხადება, რომ გარკვეული ჯგუფი გეგმავს სამოქალაქო არეულობას, რომლის მიზანია ხელისუფლების ძალადობრივი გზით შეცვლა და განიხილება „ევრომაიდნის“ სცენარი.

სუს-ის ცნობით, აღნიშნული გეგმის ერთ-ერთ ავტორად გვევლინება საქართველოს ყოფილი შინაგან საქმეთა მინისტრის, ვანო მერაბიშვილის მოადგილე და ამჟამად უკრაინის სამხედრო დაზვერვის ხელმძღვანელის მოადგილე გიორგი ლორთქიფანიძე და მის დაქვემდებარებაში მყოფი ქართული წარმოშობის მქონე პირები, მათ შორის მესამე პრეზიდენტის დაცვის ყოფილი წევრი მიხეილ ბატურინი და ასევე სააკაშვილის ახლო გარემოცვის წევრი, უკრაინაში მოქმედი „ქართული ლეგიონის“ მეთაური მამუკა მამულაშვილი.

სუს-ის ინფორმაციითვე, რევოლუციური სცენარისთვის, ახალგაზრდული ჯგუფების მომზადების მიზნით, ორგანიზაცია „კანვასი“ გამოიყენება.

მიმდინარე გამოძიების ფარგლებში გუშინ, სუს-ში სერბეთის სამი მოქალაქე, ჯგუფ „კანვასის“ წევრები გამოკითხეს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024