პაატა მანჯგალაძე - პრეზიდენტი თუ გვეთანხმება, რომ ფარცხალაძე რუსეთის ჯაშუშია და  პროკურატურაზე აქვს გავლენა და თუ გვეთანხმება, რომ „კლანი“ მართავს სასამართლოს, სააკაშვილს რატომ არ უშვებს?

პრეზიდენტი თუ გვეთანხმება, რომ ფარცხალაძე რუსეთის ჯაშუშია და პროკურატურაზე აქვს გავლენა და თუ გვეთანხმება, რომ „კლანი“ მართავს სასამართლოს, სააკაშვილს რატომ არ უშვებს? - ამის შესახებ „სტრატეგია აღმაშენებლის“ ერთ-ერთმა ლიდერმა, დეპუტატმა პაატა მანჯგალაძემ „პალიტრანიუსის“ გადაცემა „360 გრადუსში“ განაცხადა.

პაატა მანჯგალაძის განცხადებით, პრეზიდენტის მიმართ ნდობის აღსადგენად საჭიროა, მან ღიად ისაუბროს ბიძინა ივანიშვილსა და არაფორმალურ მმართველობაზე და ასევე მიხეილ სააკაშვილი უნდა შეიწყალოს.

„ფაქტია, მოსამართლეები სანქცირებული არიან, თუ სასამართლოს მართლა „კლანი“ მართავს და ეჭვი არ შეაქვს ამაში არავის, ყველა შეთანხმებული ვართ. ასევე ფარცხალაძის პროკურატურაზეც ყველა შეთანხმებული ვართ და გამოდის, რომ ეს პროკურატურა, რომელმაც ბრალი წარუდგინა მიხეილ სააკაშვილს და სასამართლო, რომელიც სააკაშვილს ასამართლებს, სააკაშვილთან დაკავშირებითაა მარტო მართალი და სამართლიანი, ხოლო დანარჩენ ყველა შემთხვევაში არის არაობიექტური.

სწორედ ამას ვამბობ, რომ სალომე ზურაბიშვილმა ორი რამ უნდა გააკეთოს, ჩემში ნდობა რომ მოიპოვოს, (ნდობა მჭირდება იმისთვის, რომ ხვალ და ზეგ რომ დასჭირდება და დამიძახებს, მივიდე და დაველაპარაკო). პირველი, ღიად თქვას, რომ კობახიძე და ღარიბაშვილი არაფერს არ წყვეტენ და სინამდვილეში პრობლემა ივანიშვილია, მარიონეტებზე ყურადღების გადატანა და ივანიშვილი არ ახსენო რას ნიშნავს? უნდა თქვას რას ეუბნებიან დასავლეთში არაფორმალურ მმართველობაზე. არაფერი არ უთქვამს არასდროს. მეორე, თუ გვეთანხმება, რომ ფარცხალაძე რუსეთის ჯაშუშია და პროკურატურაზე აქვს გავლენა და თუ გვეთანხმება, რომ კლანი მართავს სასამართლოს, სააკაშვილს რატომ არ უშვებს? ეს არის კითხვა, ამ ორ საკითხს უპასუხოს და ყველაფერი ლაგდება თავის ადგილზე“, - განაცხადა პაატა მანჯგალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024