შალვა პაპუაშვილი - ოპოზიციის ხმებია საჭირო, რომ მოხდეს იუსტიციის უმაღლესი საბჭოს არამოსამართლე წევრების არჩევა - კიდევ ერთხელ მივმართავ, წვლილი შეიტანონ 12 რეკომენდაციის შესრულებაში

საქართველოს პარლამენტის თავმჯდომარემ, შალვა პაპუაშვილმა იუსტიციის უმაღლესი საბჭოს წევრების არჩევასთან დაკავშირებით ოპოზიციას მიმართა.

პაპუაშვილმა მოუწოდა ოპოზიციას, თავისი წვლილი შეიტანონ 12 რეკომენდაციის შესრულებაში. „კიდევ ერთხელ შეგახსენებთ, რომ კენჭსაყრელ საკითხებს შორის არის იუსტიციის უმაღლესი საბჭოს არამოსამართლე წევრების არჩევა და უკვე მერამდენედ მივმართავ ოპოზიციის წარმომადგენლებს: არცერთ ამ ოთხ კანდიდატთან დაკავშირებით არ გამოთქმულა არც საჯაროდ, არც გასაუბრებების დროს რაიმე პრინციპული, უარყოფითი პოზიცია. ერთადერთი, რაც აკლია ამ საკითხს, არის ოპოზიციის პოლიტიკური გადაწყვეტილება, რომ ხელი შეუწყონ 12 რეკომენდაციიდან ერთ-ერთის შესრულებას. როგორც იცით, ჩვენ სამი არამოსამართლე წევრი უკვე ავირჩიეთ საგაზაფხულო სესიაზე, რაც ევროკომისიამ მოიწონა, ჩათვალა უკვე ნაწილობრივ შესრულებულად და გვითხრა, რომ შემდეგი ორიც ავირჩიოთ. კანდიდატები არის, ყველაფერი ახლა ოპოზიციაზეა დამოკიდებული, რადგან მათი ხმებია საჭირო, რომ მოხდეს წევრების არჩევა. კიდევ ერთხელ მივმართავ ოპოზიციას, თავისი წვლილი შეიტანონ 12 რეკომენდაციის შესრულებაში", - განაცხადა შალვა პაპუაშვილმა. პარლამენტის ინფორმაციით, პლენარულ სხდომებზე განსახილველ საკითხებს დაემატა რამდენიმე კანონპროექტი და საქართველოს სახელმწიფო უსაფრთხოების სამსახურის მიერ 2022 წელს გაწეული საქმიანობის ანგარიში. ბიურომ ასევე იმსჯელა ახალ საკანონმდებლო ინიციატივებზე და საკითხების განხილვისთვის წამყვანი და სავალდებულო კომიტეტები განსაზღვრა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია