ანრი ოხანაშვილი - არამოსამართლე წევრობის კანდიდატთან დაკავშირებით ვენეციის კომისია უთითებს კონკრეტულ არასამთავრობო ორგანიზაციაზე დაყრდნობით - ეს არასწორი ინფორმაციაა, რომელიც ვენეციის კომისიამ აღარ გადაამოწმა პარლამენტთან

კლასიკური მაგალითი, როგორ შეიძლება ერთ-ერთმა არასამთავრობო ორგანიზაციამ შეცდომაში შეიყვანოს ვენეციის კომისია, მდგომარეობს იმაში, რომ კონკრეტულ არამოსამართლე წევრობის კანდიდატთან დაკავშირებით, ვენეციის კომისია უთითებს, კონკრეტულ არასამთავრობო ორგანიზაციაზე დაყრდნობით, თითქოს მის დოკუმენტაციაში იყო გარკვეული ხარვეზები, - ამის შესახებ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა „საერთო სასამართლოების შესახებ“ ვენეციის კომისიის მოსაზრებაზე საუბრისას ჟურნალისტებს განუცხადა.

ოხანაშვილის განმარტებით, კონკრეტულმა არასამთავრობო ორგანიზაციამ ვენეციის კომისიას მიაწოდა არასწორი ინფორმაცია, რაც თავის მხრივ, კომისიამ პარლამენტთან აღარ გადაამოწმა.

მისივე თქმით, ამ და სხვა საკითხებთან დაკავშირებითაც, საქართველოს პარლამენტს კომუნიკაცია ექნება შესაბამის სტრუქტურებთან.

„თითქოს იმ ორგანიზაციის მიერ, რომელმაც კანდიდატი წარადგინა საქართველოს პარლამენტში, არამოსამართლე წევრად საბჭოში არჩევისთვის, წარდგენის პროცედურა იყო ხარვეზიანი - ამას უთითებს არასამთავრობო ორგანიზაცია და მათზე დაყრდნობით, ამას ციტირებს ვენეციის კომისია. რეალურად, ეს არის არასწორი ინფორმაცია, ვინაიდან, საქართველოს პარლამენტის იურიდიულ საკითხთა კომიტეტს გვქონდა შესაძლებლობა, შეგვესწავლა დოკუმენტაცია, დამატებით გამოგვეთხოვა კონკრეტული დოკუმენტები და სწორედ ამის შესაბამისად მიგვეღო გადაწყვეტილება. ამ კონკრეტულ წევრთან დაკავშირებითაც, ყველა წარმოდგენილი დოკუმენტაცია, ყველა პროცედურა, საქართველოს კანონმდებლობასთან სრულად იყო შესაბამისობაში. ვენეციის კომისიის მხრიდან საქართველოს პარლამენტთან აღარ გადამოწმდა ეს ინფორმაცია. პირდაპირ დაეყრდნენ კონკრეტულ არასამთავრობო ორგანიზაციას, რომლის შეფასებამაც, პრაქტიკულად, შეცდომაში შეიყვანა ვენეციის კომისია. სხვა საკითხებთან დაკავშირებითაც, ჩვენ გვექნება კომუნიკაცია და კონსულტაცია, უპირველეს ყოვლისა, ევროკომისიასთან, შესაბამის სტრუქტურებთან და ამ პროცესს სწორედ მათთან კონსულტაციის ფარგლებში გავაგრძელებთ“, - განაცხადა ანრი ოხანაშვილმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის