სალომე სამადაშვილი - არ ვფიქრობ, რომ სტატუსთან დაკავშირებით ორბანი იქნება ყველაზე კარგი შუამავალი ევროკავშირის სახელმწიფოებთან - როგორც რუსეთის მოკავშირე, ის საკმაოდ იზოლირებულია ევროკავშირში

არ ვფიქრობ, რომ კანდიდატის სტატუსთან დაკავშირებით ორბანი იქნება ყველაზე კარგი შუამავალი ჩვენთვის ევროკავშირის სხვა სახელმწიფოებთან - როგორც რუსეთის მოკავშირე, ის საკმაოდ იზოლირებულია დღეს ევროკავშირში, - ამის შესახებ ჟურნალისტებთან "ლელოს" დეპუტატმა, სალომე სამადაშვილმა განაცხადა, რითაც გამოეხმაურა უნგრეთის პრემიერ-მინისტრის, ვიქტორ ორბანის ვიზიტს საქართველოში.

სამადაშვილის განცხადებით, ორბანი არის პუტინის მოკავშირე და ერთადერთი ლიდერი ევროკავშირში, რომელიც დრო და დრო ცდილობს დაბლოკოს უკრაინისთვის დახმარება, ასევე რუსეთის წინააღმდეგ სანქციები.

"ორბანი არის პუტინის მთავარი და ვიტყოდი, ერთადერთი მოკავშირე ევროკავშირის შიგნით. თქვენ იცით, რომ ორბანი არის ერთადერთი ლიდერი ევროკავშირში, რომელიც დრო და დრო ცდილობს დაბლოკოს უკრაინისთვის დახმარება, ასევე რუსეთის წინააღმდეგ სანქციები. ძალიან ნიშანდობლივია, რომ რუსული ოცნების ხელისუფლებას ერთადერთი მეგობარი ჰყავს ევროკავშირში და ეს არის მათი საერთო მეგობარი ვლადიმერ პუტინთან და რუსულ მეგობართან.

აქვე მინდა ვთქვა, რომ საქართველოსთვის კანდიდატის სტატუსის მინიჭება უნდა გადაწყდეს პოლიტიკური გადაწყვეტილებით, რადგან შეუსრულებელია ყველა მნიშვნელოვანი მოთხოვნა, რაც იყო ევროკავშირის მხრიდან. ვენეციის კომისიის დასკვნით დადასტურდა, რომ არანაირი რეფორმა არ გატარებულა. არ ვფიქრობ, რომ ამ გადაწყვეტილებაში ორბანი იქნება ყველაზე კარგი შუამავალი ჩვენთვის ევროკავშირის სხვა სახელმწიფოებთან იმის გათვალისწინებით, რომ ის საკმაოდ იზოლირებულია დღეს ევროკავშირში, როგორც რუსეთის მოკავშირე მთავრობის წარმომადგენელი", - განაცხადა სამადაშვილმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია