რომან გოცირიძე - როგორიც არ უნდა იყოს აშშ-ს ახალი ელჩი, „ქართულ ოცნებას“ ერთი თვის თავზე მასთან კონფლიქტი მოუვა - „ქართული ოცნების“ პოლიტიკა ჩვენი დასავლელი პარტნიორების კურსთან შეუთავსებელია!

როგორიც არ უნდა იყოს აშშ-ს ახალი ელჩი საქართველოში, “ქართულ ოცნებას“ ერთი თვის თავზე მასთან კონფლიქტი მოუვა - „ქართული ოცნების“ პოლიტიკა ჩვენი დასავლელი პარტნიორების კურსთან შეუთავსებელია! - ეს განცხადება ჟურნალისტებთან პოლიტიკური ჯგუფის „ევროოპტიმისტების“ დეპუტატმა რომან გოცირიძემ გააკეთა.

ამასთან, როგორც გოცირიძემ აღნიშნა, კარგი იქნება თუ “ქართული ოცნება“ ახლა ფურცელს გადაშლის და იმ შეცდომას და უპატივცემულობას დაივიწყებს, რასაც აშშ-ს ყოფილი ელჩის მიმართ ავლენდა.

„სასიამოვნოა, რომ საქართველოში აშშ-ს ელჩად ერთ-ერთი ყველაზე გამოცდილი დიპლომატი იქნება. ის ისეთივე მნიშვნელოვან როლს ითამაშებს ქვეყნის დემოკრატიული განვითარების პროცესში, როგორიც კელი დეგნანი იყო.

როგორიც არ უნდა იყოს აშშ-ს ახალი ელჩი საქართველოში, “ქართულ ოცნებას“ ერთი თვის თავზე მასთან კონფლიქტი მოუვა. “ქართული ოცნებისთვის" დემოკრატია, დასავლური ღირებულებები, ქვეყნის ევროპული მისწრაფებები არის მიუღებელი.

„ქართული ოცნება“ რუსეთის გზას დაადგა და ამ ისტორიულ მომენტში არის რუსეთის მოკავშირე უკრაინის წინააღმდეგ ომში, გამოკვეთილი აქვს ანტიდასავლური გეზი. ჩვენ იმ რიტორიკას ვისმენთ, რითაც პარლამენტში “ქართული ოცნების“ წარმომადგენლები საუბრობენ... ასევე თუ გავიხსენებთ აშშ-ს წინა ელჩთან დაკავშირებულ ინციდენტებს, ეს შემთხვევითი არ იყო - “ქართული ოცნების“ პოლიტიკა ჩვენი დასავლელი პარტნიორების კურსთან შეუთავსებელია“, - განაცხადა რომან გოცირიძემ.

საქართველოში ამერიკის შეერთებული შტატების ახალი ელჩი რობინ დანიგენი უკვე თბილისშია. საქართველოში მისი ჩამოსვლის შესახებ ინფორმაციას თავად საელჩო ავრცელებს.

რობინ დანიგენმა საქართველოში აშშ-ის ელჩის თანამდებობაზე კელი დეგნანი შეცვალა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო