ქეთევან თურაზაშვილმა სტრასბურგში ვიზიტი დაასრულა

საპარლამენტო ჯგუფ „მოქალაქეების“ წევრმა ქეთევან თურაზაშვილმა სტრასბურგში ვიზიტი დაასრულა.­

ამის შესახებ ინფორმაციას პარტია „მოქალაქეები“ ავრცელებს.

მათივე ცნობით, ევროპის საბჭოს საპარლამენტო ასამბლეის საშემოდგომო სესია 9 ოქტომბრიდან იმართებოდა.

გავრცელებული ინფორმაციით, ევროპარლამენტი კონცენტრირდა ისეთი მნიშვნელობის საკითხებზე, როგორიცაა მიგრაცია და მიგრაციით გამოწვეულ პრობლემები, ქალთა, ბავშვების და შშმ პირების უფლებები. ერთ-ერთი მნიშვნელოვანი საკითხი იყო რუსეთის ფედერაციის კონსტიტუციაში შეტანილი ცვლილებების ლეგიტიმაციის და პუტინის პრეზიდენტობის ვადის გახანგრძლივების სამართლებრივი საკითხი.

„დავასრულე ვიზიტი სტრასბურგში, სადაც ვესწრებოდი ევროპის საბჭოს საშემოდგომო სესიას. კვირის განმავლობაში მხარი დავუჭირე არაერთ მნიშვნელოვან რეზოლუციას, რომელიც ეხებოდა ქალებს, შშმ პირებს, მიგრანტებს და ბავშვთა უფლებებს. სესიის დახურვის დღეს ხმა მივეცი რეზოლუციას პუტინის დანაშაულებრივი რეჟიმის წინააღმდეგ, რომელიც პასუხია ვლადიმერ პუტინის მიერ, რუსეთის კონსტიტუციაში შეტანილი შესწორებაზე, რომელმაც მას საპრეზიდენტო ვადის ლიმიტი მოუხსნა. აღნიშნული ცვლილება პუტინს უფლებას აძლევს, დარჩეს თანამდებობაზე 2036 წლამდე. საქართველოს დელეგაციიდან სესიებს მხოლოდ მე ვესწრებოდი“, - აცხადებს ქეთევან თურაზაშვილი.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო