შალვა პაპუაშვილის განცხადებით, თუკი პრეზიდენტი მის იმპიჩმენტთან დაკავშირებულ სხდომაში მონაწილეობის მიღების სურვილს გამოთქვამს, მას პარლამენტი ამის შესაძლებლობას მისცემს

პარლამენტის თავმჯდომარის, შალვა პაპუაშვილის ინფორმაციით, პრეზიდენტის იმპიჩმენტის წესით თანამდებობიდან გადაყენების საკითხს პარლამენტი მიმდინარე სასესიო კვირას განიხილავს და კენჭისყრაზე გაიტანს.

ხვალვე ჯერ პარლამენტის ბიუროს, შემდეგ კი პლენარულ სხდომას წარედგინება დადგენილება - საკითხის განხილვისა და კენჭისყრის გრაფიკის შესახებ.

ამასთან, როგორც პაპუაშვილმა ბიუროს სხდომაზე განმარტა, რეგლამენტის თანახმად, თანამდებობის პირი, ვისი იმპიჩმენტის საკითხიც დგას, პარლამენტის მოწვევით შეიძლება განხილვაში მონაწილეობდეს. პაპუაშვილის თქმით, პარლამენტი პრეზიდენტის აპარატს დაუკავშირდება და თუ მას პლენარულ სხდომაში მონაწილეობის სურვილი ექნება, ამის მიხედვით იმოქმედებენ.

„მას შემდეგ, რაც საკონსტიტუციო სასამართლომ კონსტიტუციის დარღვევა დაადგინა, პროცესი პარლამენტში ინაცვლებს. მას შემდეგ, რაც ინფორმაცია პარლამენტში ოფიციალურად შემოვა, საკითხის განხილვისა და კენჭისყრის გრაფიკი უნდა შედგეს. ხვალ ბიუროს სხდომა გაიმართება და ბიუროზე დადგენილების პროექტს წარმოვადგენთ, რომელშიც განხილვის გრაფიკი იქნება. პარლამენტს შეტყობინების მიღებიდან ორი კვირა აქვს, რათა საკითხი განიხილოს და კენჭი უყაროს. ვინაიდან მიმდინარე კვირა სასესიო კვირაა, აჯობებს საკითხი მიმდინარე კვირაში განვიხილოთ და კენჭისყრაზე დავაყენოთ“, - განაცხადა შალვა პაპუაშვილმა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო