თინა ბოკუჩავამ შალვა პაპუაშვილი მიზოგინიზმში, პაპუაშვილმა კი ოპოზიციონერი კოლეგა - სექსიზმსა და კაცების მიმართ აგრესიულ დამოკიდებულებაში დაადანაშაულა

ფრაქცია „ნაციონალური მოძრაობის“ თავმჯდომარემ თინა ბოკუჩავამ პარლამენტის თავმჯდომარე შალვა პაპუაშვილი მიზოგინიზმში, პაპუაშვილმა კი ოპოზიციონერი კოლეგა - სექსიზმსა და კაცების მიმართ აგრესიულ დამოკიდებულებაში დაადანაშაულა.

მათ შორის სიტყვიერ დაპირისპირებას ბიუროს სხდომაზე, სიძულვილის ენასთან დაკავშირებით “მაუწყებლობის შესახებ“ კანონში ცვლილებების პროექტის ინიცირებისას ჰქონდა ადგილი, რა დროსაც ბოკუჩავამ მმართველი გუნდი პროექტის დაჩქარებული წესით ინიცირების და ასევე, მედიისა და არასამთავრობო ორგანიზაციების პოზიციის იგნორირების გამო გააკრიტიკა.

“ვერ ვხვდები ბიუროს სხდომაზე, რა განწყობით ხართ მოსული. გვითხარით, თუ ცუდ ხასიათზე ხართ“, - ასე მიმართა ბოკუჩავას შალვა პაპუაშვილმა.

პასუხად ბოკუჩავამ პაპუაშვილს ქალების შეურაცხყოფისათვის თავის დანებებისკენ მოუწოდა.

“რას ნიშნავს, ცუდ ხასიათზე ხართ?! თქვენ შეგითანხმებთ ვინმე განწყობას... ეს არის პერსონალური თავდასხმები და ქალებისადმი შეურაცხყოფა - უკვე ყველამ მშვენივრად გაიგო თქვენი მიზოგინური დამოკიდებულება!“ - განაცხადა ბოკუჩავამ პაპუაშვილის მისამართით.

პაპუაშვილმა ბოკუჩავას პასუხად დაუბრუნა, რომ “თვითვიქტიმიზაცია სადაც გასდის, იქ გაიტანოს“ და აღნიშნა ისიც, რომ “ბოკუჩავას ბიუროზე გარკვეული რიტუალი აქვს“.

“აბსოლუტური მიზოგინიზმი და სექსიზმი არის თქვენი მხრიდან. განსაკუთრებული აგრესია მამაკაცების მიმართ გაქვთ! არ ვიცი, რა წესია კოლეგების მიმართ ასეთი დამოკიდებულება“, - განაცხადა პაპუაშვილმა, რაზეც ბოკუჩავამ უპასუხა, რომ “ასეთი განცხადება ფიზიკურად მოძალადე პაპუაშვილისგან განსაკუთრებით ცინიკური იყო“.

ბოკუჩავას “ქართული ოცნების“ დეპუტატმა ირაკლი ზარქუამაც მიმართა შემდეგი რეპლიკით: - “წადით რა, მიშას ბოტასებს ებარებოდეთ“.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის