ევა გოცირიძე - თუკი საქართველო მოახდენს კონსტიტუციის უგულებელყოფას, მაშინ ჩვენი ადგილი მართლა არ ყოფილა ევროკავშირში - კანონზე მაღლა არავინ დგას

საკონსტიტუციო სასამართლოს მოსამართლის, ევა გოცირიძის განცხადებით, საკონსტიტუციო სასამართლო დარჩა იმ პრინციპის ერთგული, რომ კანონზე მაღლა არავინ დგას.

ამ განცხადებით ევა გოცირიძემ საკონსტიტუციო სასამართლოს მიერ პრეზიდენტ სალომე ზურაბიშვილის მიერ კონსტიტუციის დარღვევის დადგენა შეაფასა.

როგორც საკონსტიტუციო სასამართლოს მოსამართლემ ჟურნალისტებთან საუბრისას განაცხადა, თუკი საქართველო მოახდენს სამართლის უზენაესობის პრინციპის უგულებელყოფას და თანამდებობის პირებმა, მათთვის კონსტიტუციით მკაცრად განსაზღვრული უფლებამოსილების ფარგლების გადაცილებით იმოქმედებენ, მაშინ საქართველოს ადგილი „მართლა არ ყოფილა ევროკავშირში“.

„მე მიმაჩნია, რომ თუკი საქართველო მოახდენს კონსტიტუციის უგულებელყოფას, სამართლის უზენაესობის პრინციპის უგულებელყოფას და თავის ნებაზე მიუშვებს იმას, რომ თანამდებობის პირებმა, მათთვის კონსტიტუციით მკაცრად განსაზღვრული უფლებამოსილების ფარგლების გადაცილებით იმოქმედონ, თვითნებურად იმოქმედონ, მაშინ ჩვენი ადგილი მართლა არ ყოფილა ევროკავშირში.

საკონსტიტუციო სასამართლომ კი არ დაადგინა, დარჩა იმ პრინციპის ერთგული, რომ კანონზე მაღლა არავინ დგას“, - განაცხადა გოცირიძემ.

კითხვაზე, აქვს თუ არა იმის მოლოდინი, რომ იმ მოსამართლეებს, რომლებმაც საკონსტიტუციო სასამართლოს დასკვნას მხარი დაუჭირეს, შესაძლოა, სანქციები დაუწესდეს, გოცირიძე ასე პასუხობს: „თუკი კონსტიტუციის ერთგულება სანქციებს იმსახურებს, მაშინ ცუდად ყოფილა მთელი ევროპის საქმე“.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის