მამუკა მდინარაძე - ზურაბიშვილმა არ დაიშურა შეურაცხმყოფელი სიტყვები იმ ადამიანების მიმართ, რომლებიც დღე და ღამეს ასწორებდნენ, რომ ის პრეზიდენტად არჩეულიყო - რომ არა ამ ადამიანების ჩართულობა, ნული იყო შანსი, იმდენად არ ჰქონდა ავტორიტეტი

სალომე ზურაბიშვილმა არ დაიშურა შეურაცხმყოფელი სიტყვები საქართველოს პარლამენტის წევრების მიმართ, იმ ადამიანების მიმართ, რომლებიც დღე და ღამეს ასწორებდნენ, რომ ის საქართველოს პრეზიდენტად არჩეულიყო. რომ არა ამ ადამიანების ჩართულობა, ნული იყო შანსი, იმდენად არ ჰქონდა ამ ადამიანს საკუთარი პიროვნული ავტორიტეტი, - ამის შესახებ ფრაქცია „ქართული ოცნების“ თავმჯდომარე მამუკა მდინარაძემ ჟურნალისტებთან საუბრისას განაცხადა.

მისივე თქმით, საქართველოს პრეზიდენტი კონსტიტუციური ჩარჩოებიდან გავიდა როგორც მორალური, ისე საკანონმდებლო გაგებით.

სალომე ზურაბიშვილმა მიაყენა მძიმე შეურაცხყოფა საკონსტიტუციო სასამართლოს, ასევე არ დაიშურა შეურაცხმყოფელი სიტყვები საქართველოს პარლამენტის წევრების მიმართ, იმ ადამიანების მიმართ, რომლებიც დღე და ღამეს ასწორებდნენ, განსაკუთრებით მისი წინასაარჩევნო კამპანიის პერიოდში, რომ ის საქართველოს პრეზიდენტად არჩეულიყო. რომ არა ამ ადამიანების ჩართულობა, ნული იყო შანსი, იმდენად არ ჰქონდა ამ ადამიანს საკუთარი პიროვნული ავტორიტეტი. ის ადამიანები, რომლებსაც მძიმე შეურაცხყოფას აყენებს, კარდაკარ დადიოდნენ და საარჩევნო კამპანიას აწარმოებდნენ, ის კი არა მოგვიწია, რომ „ქართული ოცნების“ ლიდერების ბილბორდები ყოფილიყო განთავსებული, მისი ფოტოების ნაცვლად,“ - განაცხადა მდინარაძემ.

როგორც მან აღნიშნა, პრეზიდენტი ოპოზიციის ბევრ წარმომადგენელს არ ენდობა და მათ იმპიჩმენტის საკითხის განხილვისას გარეთ ყოფნისკენ სწორედ ამიტომ მოუწოდა.

მდინარაძემ ოპოზიციას მოუწოდა, თუ კენჭისყრას არ დაესწრებიან, საკითხის განხილვას მაინც დაესწრონ.

„პრეზიდენტი თან არ ენდობა ინდივიდუალურად ბევრ მათგანს და თან უხერხულ მდგომარეობას აცილებს,“ - აღნიშნა მდინარაძემ.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის