ირაკლი კობახიძე სალომე ზურაბიშვილს - „რას დაგამსგავსათ მამაძაღლმა სეთურმა“, დაგამსგავსათ რიგით „ნაციონალს“

აქ, დღეს, ლიტერატურიდან გაიხსენეს ფრაზები. მეც მინდა, გავიხსენო ერთი ფრაზა: „რას დაგამსგავსათ მამაძაღლმა სეთურმა“, დაგამსგავსათ რიგით „ნაციონალს“, - ასე მიმართა „ქართული ოცნების“ თავმჯდომარემ, ირაკლი კობახიძემ საქართველოს პრეზიდენტს პარლამენტში პლენარულ სხდომაზე სიტყვით გამოსვლისას, სადაც პრეზიდენტის იმპიჩმენტის წესით თანამდებობიდან გადაყენების საკითხს განიხილავენ.

როგორც კობახიძემ აღნიშნა, სალომე ზურაბიშვილს არ აღმოაჩნდა უნარი, ღირსეულად ეზიდა პასუხისმგებლობა დიდი წინაპრების წინაშე.

„რიტორიკული კითხვა მაქვს, სალომე ზურაბიშვილის მიმართ - რად გიღირთ ასეთი პრეზიდენტობა, როდესაც მუდმივად გიწევთ გახვიდეთ ზრდილობის ფარგლებს მიღმა?

მე რასაც ვუყურებ, მისთვის იძულებაა, როდესაც მუდმივად გიწევთ სახელმწიფოზე თავდასხმა, ინსტიტუტებზე თავდასხმა, როდესაც ღიად გიწევთ რევოლუციური პროცესების მხარდაჭერა. რად გიღირთ ასეთი პრეზიდენტობა არ ვიცი.

აქ, დღეს, ლიტერატურიდან გაიხსენეს ფრაზები. მეც მინდა, გავიხსენო ერთი ფრაზა: „რას დაგამსგავსათ მამაძაღლმა სეთურმა“, დაგამსგავსათ რიგით „ნაციონალს“. ეს არის რეალურად პასუხი ამ შეკითხვაზე. საუბარი იყო დიდ წინაპრებზე, მათ შორის განსაკუთრებული წარსულის მქონე ადამიანებზე, ნიკო ნიკოლაძეზე. მინდა შევახსენო ზურაბიშვილს, რომ დიდი წინაპრები ჯერ არის პასუხისმგებლობა და შემდეგ პრივილეგია. სამწუხაროდ, სალომე ზურაბიშვილს არ აღმოაჩნდა უნარი, ღირსეულად ეზიდა ეს პასუხისმგებლობა დიდი წინაპრების წინაშე, ეს არის სამწუხარო და განსაკუთრებით მძიმე მოვლენა“,- აღნიშნა კობახიძემ.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო