პარლამენტი 20 ოქტომბრის პლენარულ სხდომაზე, ინტერპელაციის წესით, საგარეო საქმეთა მინისტრს ილია დარჩიაშვილს მოუსმენს.
დარჩიაშვილმა ჩინეთთან სტრატეგიულ პარტნიორობაზე გაფორმებულ შეთანხმებასთან დაკავშირებულ კითხვებს უნდა უპასუხოს.
აღნიშნულ საკითხზე საგარეო საქმეთა მინისტრი საპარლამენტო ოპოზიციამ დაიბარა. დარჩიაშვილის სახელზე გაგზავნილ კითხვებში ხაზგასმულია, რომ დასავლურ სტრუქტურებში ინტეგრაცია საქართველოს გაცხადებული საგარეო პრიორიტეტია და „ამიერიდან საქართველოს პოლიტიკა ასევე თანხვედრაში უნდა იყოს ჩინეთის საგარეო პოლიტიკასთან“. ერთ-ერთი კითხვა, რასაც საგარეო საქმეთა მინისტრმა პარლამენტში უნდა უპასუხოს, არის შემდეგი: - რეალურად იცვლება თუ არა ქვეყნის საგარეო ვექტორი?