არმაზ ახვლედიანი მინისტრს - მალე არცერთი ქვეყანა აღარ დარჩება, ვინც თავს უფლებას მისცემს, იყოს ნეიტრალური - მითუმეტეს საქართველოს ტიპის ქვეყნისთვის ნეიტრალურობა ახლა არათუ ფუფუნება, რაღაც მხრივ, საფრთხის შემცველია

ჩინეთთან ურთიერთობის კუთხით, იმ შემთხვევაში თუ ჩვენი ურთიერთობები უმთავრეს სტრატეგიულ პარტნიორებთან - აშშ-თან და ევროკავშირთან შეუქცევადი, მყარი და გარანტირებულია, ფაქტობრივად, არავითარი საფრთხე არ გვექმნება, მაგრამ როდესაც აღნიშნული საკითხი საორჭოფოა, მთავრობის გადაწყვეტილება ჩინეთთან ურთიერთობის გაღრმავებასთან დაკავშირებით, უამრავ კითხვას ბადებს, - ამის შესახებ ოპოზიციონერმა დეპუტატმა, არმაზ ახვლედიანმა პარლამენტის პლენარულ სხდომაზე განაცხადა, სადაც საგარეო საქმეთა მინისტრს, ილია დარჩიაშვილს ინტერპელაციის წესით უსმენენ.

გარდა ამისა, მისი თქმით, „სულ ცოტა ხანში, არცერთი ქვეყანა აღარ დარჩება, ვინც თავს უფლებას მისცემს, რომ კვლავაც ნეიტრალური იყოს“.

„საქართველოსა და ჩინეთის ურთიერთობების ასეთ გააქტიურებასთან დაკავშირებით რატომ იბადება კითხვები, სადაც ამდენი ეჭვიცაა თან? - რა თქმა უნდა, პასუხი აქ ძალიან ლოგიკური და მარტივიცაა იმიტომ, რომ ჩინეთთან ურთიერთობის კუთხით, იმ შემთხვევაში თუ ჩვენი ურთიერთობები უმთავრეს სტრატეგიულ პარტნიორებთან - აშშ-თან და ევროკავშირთან შეუქცევადი, მყარი და გარანტირებულია, ფაქტობრივად, არავითარი საფრთხე არ გვექმნება. ეს არის საფუძველი, რომელიც ყოველგვარ ორჭოფობას გამორიცხავს საქართველოს ჩინეთთან ურთიერთობების კუთხით. თუ ეს პირველი თემა მოგვარებულია, აქ არის მზარდი შეუქცევადი ტენდენცია, მაშინ ჩინეთთან ურთიერთობების გაღრმავებამ არ უნდა შეგვაშინოს, მაგრამ, როცა ეს მთავარი თავად საორჭოფოა, მაშინ მთავრობის ეს გადაწყვეტილება არაერთ კითხვას ბადებს, მით უფრო იმ ფონზე, როდესაც უკრაინაში ომია, ასეთი დაძაბულობაა ახლო აღმოსავლეთში. როგორც ჩანს, ეს თავად კარგად იცით, ბატონო მინისტრო. სულ ცოტა ხანში, არცერთი ქვეყანა აღარ დარჩება, ვინც თავს უფლებას მისცემს, რომ კვლავაც ნეიტრალური იყოს. ეს ტენდენცია იკვეთება ახლა მსოფლიოში, მითუმეტეს საქართველოს ტიპის ქვეყნისთვის ნეიტრალურობა ახლა არათუ ფუფუნებაა, ასე ვიტყოდი, არამედ რაღაც მხრივ, საფრთხის შემცველია. იმიტომ, რომ თუ გვინდა გარანტირებულად დაცული ვიყოთ, გვქონდეს მშვიდობა და წარმატებული განვითარება, ამის ერთადერთი და მთავარი გარანტი ქვეყნის შიგნით მყარი, შეუქცევადი, დემოკრატიული პროცესიაა და ქვეყნის გარეთ, რა თქმა უნდა, ასევე, მყარი და შეუქცევადი ურთიერთობა უმთავრეს დასავლელ პარტნიორებთან. ამ ფონზე არავის შეეშინდება და არ გაუჩნდება კითხვები ჩინეთთან ურთიერთობასთან დაკავშირებით“, - განაცხადა არმაზ ახვლედიანმა.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია