ილია დარჩიაშვილი ოპოზიციას - დღეს კიდევ გაისმა, რომ რეფორმები ჩავარდა, მოგიწოდებთ, მინიმუმ 3-4 თვე მაინც ეს ტერმინი არ გამოიყენოთ - თუ თქვენი კონტრიბუციის შეტანა ამ პროცესში არ გინდათ, პროცესს მაინც ნუ დააზიანებთ

ამ ტრიბუნიდან დღეს კიდევ გაისმა, რომ საქართველოში რეფორმები ჩავარდა. მეგობრებო, კიდევ ერთხელ მოგიწოდებთ, რომ მინიმუმ 3-4 თვე მაინც ეს ტერმინი არ გამოიყენოთ, რადგანაც საქართველო ძალიან მნიშვნელოვან პროცესში შედის - თუ თქვენი კონტრიბუციის შეტანა ამ პროცესში არ გინდათ, სიტყვით მაინც ნუ დააზარალებთ და დააზიანებთ პროცესს,- ასე მიმართა საგარეო საქმეთა მინისტრმა, ილია დარჩიაშვილმა ოპოზიციას პარლამენტის პლენარულ სხდომაზე, სადაც მას ინტერპელაციის წესით უსმენენ.

მისივე განმარტებით, საქართველოს ევროპული მომავალი ქვეყნისთვის „სასიცოცხლოდ მნიშვნელოვანია“.

„მინდა ერთი გულისტკივილი ვთქვა. ამ ტრიბუნიდან დღეს კიდევ გაისმა, რომ საქართველოში რეფორმები ჩავარდა. მეგობრებო, კიდევ ერთხელ მოგიწოდებთ, რომ მინიმუმ 3-4 თვე მაინც ეს ტერმინი არ იხმაროთ, რადგანაც საქართველო ძალიან მნიშვნელოვან პროცესში შედის. ჩვენი ევროპული ინტეგრაცია სასიცოცხლოდ მნიშვნელოვანია ჩვენი ქვეყნისთვის და თქვენი განცხადებებით, თქვენი, ასე ვთქვათ, შეფასებებით ამ პროცესს კიდევ უფრო მეტად ნუ დააზიანებთ, რადგანაც საქართველოს ევროპული მომავალი ჩვენი საერთო მომავალია. ყველას მოგიწოდებთ, რომ თუ თქვენი კონტრიბუციის შეტანა ამ პროცესში არ გინდათ, სიტყვით მაინც ნუ დააზარალებთ და დააზიანებთ პროცესს და ხელს ნუ შეგვიშლით”, - განაცხადა ილია დარჩიაშვილმა.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო