გურამ მაჭარაშვილი - თუ პრეზიდენტს არაფერი აქვს დაშავებული, არ უნდა ეშინოდეს, ნუ ღელავს

თუ პრეზიდენტს არაფერი აქვს დაშავებული, არ უნდა ეშინოდეს, ნუ ღელავს, - ამის შესახებ საპარლამენტო უმრავლესობის დეპუტატმა, „ხალხის ძალის“ წევრმა, გურამ მაჭარაშვილმა განაცხადა.

მისივე თქმით, თუ ყველა კონსტიტუციას, სასამართლოს გადაწყვეტილებას და კანონებს დაიცავს, პროკურატურა "არაფერს მოკითხავს".

"მე მგონი, საქართველოს პრეზიდენტს არ უნდა ეშინოდეს არაფრის, თუ არაფერი დაშავებული არ აქვს. ამიტომ ნუ ღელავს. თუ ვინმეს რამე გვაქვს დაშავებული კანონის წინაშე, მეც, პრეზიდენტსაც, თქვენც, იმას რა თქმა უნდა, მოგვკითხავს პროკურატურა, მაგრამ თუ დანაშაულის ნიშნები არ არის, გამოიკვლევს, ნახავს და არაფერი მოხდება. თუ მეც, თქვენც, პრეზიდენტიც დავიცავთ კონსტიტუციას, სასამართლოს გადაწყვეტილებას და კანონებს, პროკურატურა არაფერს მოგვკითხავს, მაგრამ თუ დავარღვევთ, რა თქმა უნდა, პროკურატურას ექნება კითხვები, რასაც პასუხები უნდა გაეცეს", - განაცხადა მაჭარაშვილმა.

კითხვაზე, რამდენად შეიძლება გამოიკვეთოს დანაშაულის ნიშნები მომავალში, როცა გამოძიება 2019 წლიდან მიმდინარეობს და ჯერ არ გამოკვეთილა, მაჭარაშვილი აცხადებს, რომ სისხლისსამართლებრივი საქმე ან არის ხანდაზმული, ან არა, ხოლო ვადებს, რაც გაწერილია, პროკურატურა კარგად ართმევს თავს.

"ჩვენ კარგად ვიცით, რომ სისხლისსამართლებრივი საკითხები, დევნა იქნება ეს თუ სხვა, ან არის ხანდაზმული, ან არ არის. ეს ვადები გაწერილია სისხლის სამართლის კოდექსში, რასაც ძალიან კარგად ართმევს თავს საქართველოს პროკურატურა. თუ თქვენი ინტერესი ის არის, რამდენად ემუქრება საქართველოს პრეზიდენტს დაჭერა, მე გეტყვით - თუ მას არაფერი აქვს ჩადენილი, არაფერი დაემუქრება, მაგრამ თუ როგორც კონსტიტუცია დაარღვია და მერე იღიმებოდა იქ, კონსტიტუციამ კი კუთხეში მიაყენა, თუ ასეთი რამ აქვს გაკეთებული, არავინ არის დაცული- არც მე, არც თქვენ და არც საქართველოს პრეზიდენტი", - განაცხადა მაჭარაშვილმა.

ინფორმაციისთვის, მთავარი პროკურორის, ირაკლი შოთაძის განცხადებით, 2019 წელს შეწყალების საქმესთან დაკავშირებით დაწყებული გამოძიება, დღემდე გრძელდება. კითხვაზე, შესაძლოა, რომ ზურაბიშვილი შეწყალების საქმესთან დაკავშირებით სისხლის სამართლის პასუხისგებაში მიეცეს, შოთაძე აღნიშნავს, რომ კანონმდებლობის მიხედვით, პრეზიდენტზე იმუნიტეტი ვრცელდება.

შეგახსენებთ, რომ 2019 წლის 20 სექტემბერს საქართველოს გენერალურმა პროკურატურამ გაავრცელა განცხადება, სადაც ნათქვამია, რომ დაიწყო გამოძიება მსჯავრდებულების: რამაზ დევაძის, ასლან ბეჟანიძის, ზურაბ ნადირაძის და სხვა პირთა შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე, დანაშაული გათვალისწინებული სსკ-ის 332-ე მუხლის 1-ლი ნაწილით.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია