შალვა პაპუაშვილი ფიჯის პარლამენტის თავმჯდომარეს შეხვდა

საქართველოს პარლამენტის თავმჯდომარე შალვა პაპუაშვილი ფიჯის კუნძულების რესპუბლიკის პარლამენტის თავმჯდომარე ნაიქამა ლალაბალავუს შეხვდა. ამის შესახებ ინფორმაციას პარლამენტის პრესსამსახური ავრცელებს. „შალვა პაპუაშვილმა ისაუბრა რუსეთის მიერ საქართველოს ოკუპირებულ რეგიონებზე, აგრეთვე, მათი არაღიარების პოლიტიკის მხარდაჭერის მნიშვნელობაზე.

მან მადლიერება გამოხატა ფიჯის მიმართ გაეროს გენერალურ ასამბლეაზე „აფხაზეთიდან, საქართველო და ცხინვალის რეგიონიდან/სამხრეთ ოსეთიდან, საქართველო იძულებით გადაადგილებულ პირთა და ლტოლვილთა სტატუსის შესახებ" საქართველოს რეზოლუციის პირველად მხარდაჭერისა და თანასპონსორობისთვის. მხარეებმა ასევე ისაუბრეს ორმხრივ თანამშრომლობაზე. ნაიქამა ლალაბალავუმ შალვა პაპუაშვილს მადლობა გადაუხადა საქართველოს პარლამენტში ფიჯის პარლამენტის თანამშრომლებისთვის სტაჟირების წარმატებული პროგრამის, ასევე, ქართულ უნივერსიტეტებში ფიჯელი სტუდენტების სტიპენდიებისთვის. აგრეთვე, მიმოიხილეს თანამშრომლობის საკითხები კლიმატის ცვლილების, სპორტის, განათლების მიმართულებებით. შეხვედრა გაიმართა ანგოლაში მიმდინარე საპარლამენტთაშორისო კავშირის 147-ე ასამბლეის ფარგლებში“,- ნათქვამია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია