მიხეილ სარჯველაძე - არ მგონია, პრეზიდენტს ჰქონდეს დიდი პერსპექტივები, მორალურ უფლებაზე აღარ ვსაუბრობ, დარჩეს ქართულ პოლიტიკაში

არ მგონია, პრეზიდენტს ჰქონდეს მაინც და მაინც დიდი პერსპექტივები, რომ ქართულ პოლიტიკაში დარჩეს , - ამის შესახებ­ საქართველოს პარლამენტის ადამიანის უფლებათა კომიტეტის თავმჯდომარე მიხეილ სარჯველაძემ განაცხადა, რითაც უპასუხა კითხვას, რამდენად ელოდება, რომ სალომე ზურაბიშვილი პოლიტიკურ ველზე, ოპოზიციურ ფლანგზე დარჩეს.

"მას შემდეგ რაც პრეზიდენტის პოზიციების ტრანსფორმაცია ვიხილეთ და ერთ მხარეს აღმოჩნდა იმ პოლიტიკურ ძალებთან, რომლებიც, გახსოვთ,როგორ მოიხსენიებდნენ მას, გახსოვთ, ასევე, რამდენიმე ინციდენტი, რასაც დაუკავშირდა იმპიჩმენტის პროცედურა. ასევე, პრეზიდენტი ჩართული იყო მავნებლურ კამპანიაში, რაც გულისხმობდა საქართველოსგან კანდიდატის სტატუსის დაუმსახურებლობის იდეის პროპაგანდირებას, ასეთ ფონზე, მე არ მგონია, რომ პრეზიდენტს ჰქონდეს მაინც და მაინც დიდი პერსპექტივები, მორალურ უფლებაზე აღარ ვსაუბრობ, რომ დარჩეს ქართულ პოლიტიკაში. რაც არ უნდა საინტერესო ყოფილიყო ოპოზიციური ფლანგის გასაძლიერებლად ასეთი ცუდი მოსაზრებების გაზიარება, ეს მას არ უნდა გაეკეთებინა , თუ ჰქონდა სურვილი, საქართველოს პოლიტიკაში დარჩენილიყო,"- განაცხადა სარჯველაძემ.

რაც შეეხება სალომე ზურაბიშვილის, გიორგი გახარიას, ნინო ლომჯარიას და "ლელოს" ალიანსის შესაძლებლობას, სარჯველაძე აცხადებს, რომ ასეთ შემთხვევაში, ისინი უნდა შეთანხმდნენ "ბომბების ცვენა კარგია თუ ცუდი".

"თუ შეთანხმდებიან, რომ ხალხს ეკუთვნის კანდიდატის სტატუსი და ქვეყანას - არა, პრეზიდენტი ასე თვლის, ასევე, თუ შეთანხმდებიან იმაზეც, ბომბების ცვენა კარგი იქნება თუ ცუდი, ალბათ, გაერთიანდებიან, სხვანაირად ძნელად წარმომიდგენია მათ შორის ასეთი გაერთიანება, საზოგადოების განწყობაც, ალბათ, ასეთი იქნება ასეთ შესაძლო გაერთიანებაზე", - განაცხადა სარჯველაძემ.

დავით ზურაბიშვილი - ჩვენ გვყავს ხელისუფლება, რომელსაც არ აქვს განცდა, რომ ქართული სახელმწიფოს ხელმძღვანელია
სოფიო ხორგუანი - როდესაც ჩიხში შედიხარ, უნდა დაბრუნდე უკან და მოძებნო ის გზა, რომელიც ჩიხს აგარიდებს
ქართული პრესის მიმოხილვა 15.05.2025
ქუთაისის მაკდონალდსი ახალ ეპოქაში - რემოდელინგი, რომელიც სტანდარტებს ცვლის
ვალუტის გაცვლა ახლა უკვე Scapp-შია – სვის კაპიტალი აპლიკაციის ფუნქციონალს აფართოებს
ბრემენის უნივერსიტეტსა და აღმოსავლეთ ევროპის უნივერსიტეტს შორის თანამშრომლობის ფართო ხელშეკრულებას მოეწერა ხელი
Harmont & Blaine-მა თბილისში ახალი მონობრენდული მაღაზია გახსნა
PSP-სა და „MAGENTO“-ს სერტიფიცირებულ პარტნიორს „Bighorn Web Solution“ შორის ელ-კომერციის პლატფორმის სრულყოფილი განახლების კონტრაქტი გაფორმდა