შალვა პაპუაშვილი - ორმხრივი შეხვედრები გაგრძელდება, დაახლოებით, 20 ქვეყნის საპარლამენტო დელეგაციას და პარლამენტების თავმჯდომარეებს შევხვდებით, ამ შეხვედრების მიზანი არაღიარების პოლიტიკის გაძლიერებაა

დღეს მნიშვნელოვანი დღეა იმ თვალსაზრისით, რომ პარლამენტთაშორისი კავშირის ახალი პრეზიდენტის არჩევა მოხდება, რომელიც მომდევნო სამი წლის განმავლობაში კავშირის საქმიანობას გაუძღვება, - ამის შესახებ საქართველოს პარლამენტის თავმჯდომარემ შალვა პაპუაშვილმა ანგოლის დედაქალაქ ლუანდაში ჟურნალისტებთან საუბრის დროს განაცხადა.

როგორც შალვა პაპუაშვილმა აღნიშნა, მნიშვნელოვანია, რომ საპარლამენტთაშორისო კავშირის ხელმძღვანელად არჩეული იქნას პრეზიდენტი, რომელიც პოზიტიურად განწყობილი იქნება საქართველოს მიმართ, რადგან ქვეყნის საგარეო პოლიტიკური მიზნების მიღწევისთვის ამ კავშირს საგანგებო მნიშვნელობა აქვს.

„რამდენიმე გამორჩეული კანდიდატია, მათ შორის, კომუნიკაცია ორ ყველაზე ძლიერ კანდიდატთან მქონდა. ჩვენთვის მნიშვნელოვანია, რომ ვინც არჩეული იქნება, იყოს პოზიტიურად განწყობილი საქართველოს მიმართ, რადგან ქვეყნის საგარეო პოლიტიკური მიზნების მიღწევისთვის ამ კავშირს საგანგებო მნიშვნელობა აქვს. ორმხრივი შეხვედრები გაგრძელდება და ამ დღეების განმავლობაში, დაახლოებით, 20 ქვეყნის საპარლამენტო დელეგაციას და პარლამენტების თავმჯდომარეებს შევხვდებით. საბოლოო ჯამში, ამ შეხვედრების მიზანი არაღიარების პოლიტიკის გაძლიერებაა. ვფიქრობ, რომ ეს ამ შეხვედრების შედეგადაც მიღწეულია იმ მხრივ, რომ ყველა შეხვედრაზე მყარი დასტური გვაქვს საქართველოს ტერიტორიული მთლიანობის თვალსაზრისით და არაღიარების პოლიტიკიდან არგადახვევის. მათ შორის, იმ ქვეყნებიდან, სადაც დიპლომატიური დაფარვა არ გვაქვს და ზოგადად რთულია ორმხრივი ურთიერთობების ინტენსიური წარმართვა”, - განაცხადა შალვა პაპუაშვილმა.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი