შალვა პაპუაშვილი - რაც მარტში მოხდა, მგონი, ყველამ გააცნობიერა, ეს იყო დიდი აფერა, მაგრამ კარგია, რომ საკითხში დღეს ბევრი გაერკვა

,რაც მარტში მოხდა, მგონი, უკვე ყველამ გააცნობიერა. ეს იყო დიდი აფერა, რაც საქართველოში ჩატარდა. საქართველოში იყო საინფორმაციო შტურმი და დეზინფორმაციული ინსტრუმენტების გამოყენება მოხდა, - განაცხადა საქართველოს პარლამენტის თავმჯდომარემ შალვა პაპუაშვილმა უკრაინის რადას ფრაქცია "ხალხის მსახურის" ლიდერის, დავით არახამიას მიერ დაანონსებული ლობირების კანონის მიღების შესახებ.

ამასთან, როგორც საქართველოს პარლამენტის თავმჯდომარემ აღნიშნა, იმის ნაცვლად, რომ უკრაინელები ომის თემებით ყოფილიყვნენ დაკავებული, რატომღაც, საქართველოს შიდა პოლიტიკისთვის იცლიდნენ.

მისი თქმით, თუ ახლა უკრაინის ხელისუფლების წარმომადგენლებმა აზრი შეიცვალეს, კარგი იქნება, რომ მიიღონ კანონი, რადგან გამჭვირვალეობა მნიშვნელოვანია.

,,ეს იყო იმდენად ძლიერი და იმდენად ყოვლისმომცველი, რომ საზოგადოების დიდი ჯგუფის დარწმუნება შეძლეს, რომ თითქოს, ამერიკაში რუსული კანონი მოქმედებს. ხალხს ესეც კი დააჯერეს. თუმცა კარგია, რომ ამ საკითხში დღეს ბევრი გაერკვა და ბევრია, ვინც ფიქრობს, ცუდია, რომ თავის დროს ამ კანონმდებლობის მიღება არ მოხდა, რადგან ჩვენ ვატყობთ, რომ ამ სექტორში გამჭვირვალეობა ძალიან დაბალია და ვხედავთ, ქვეყანაში როგორ შემოდის უცხოური ფული და როგორ უკონტროლოდ იხარჯება იმ მხრივ, რომ ხანდახან თავად დონორებსაც კი არ აქვთ სრული სურათი, თუ რაში მიდის მათი ფული. რაც შეეხება უკრაინის ინიციატივას, სამწუხაროდ, უკრაინელი პოლიტიკოსების მაშინდელი განცხადებებიც გვახსოვს. ნაცვლად იმისა, რომ ომის თემებით ყოფილიყვნენ დაკავებული, რატომღაც, საქართველოს შიდა პოლიტიკისთვის იცლიდნენ, რაც ცალკე ისტორიაა, მაგრამ თუ ახლა აზრი შეიცვალეს, პირიქით, მათ ვურჩევდი, რომგამჭვირვალეობა მნიშვნელოვანია - თუ ინიციატივა აქვთ, განიხილონ და მიიღონ. მთავარია, ეს იმ სტანდარტებში იყოს, რითაც ჩვენ ვმოქმედებდით - ადამიანების უფლებების სტანდარტებში. იმედია, ამ სტანდარტებს არ დაარღვევენ და კანონს ისე მიიღებენ, რომ ერთის მხრივ, უზრუნველყოფილი იყოს ფინანსების გამჭვირვალეობა და, მეორე მხრივ, ადამიანის უფლებები”, - განაცხადა პაპუაშვილმა.

რას გულისხმობს ეროვნულ სასწავლო გეგმაში ცვლილებები, როგორ მიმდინარეობს სკოლების ავტორიზაციის პროცესი და იგეგმება თუ არა დირექტორების ვაკანტურ თანამდებობებზე კონკურსის გამოცხადება - ინტერვიუ განათლების მინისტრის მოადგილესთან
ავთანდილ წულაძე  - გერმანიის ექსპერტებმა მოამზადეს მოხსენება, რომლის მიხედვითაც გერმანია ტოტალურად უნდა მოემზადოს რუსეთისაგან თავის დასაცავად
ქართული პრესის მიმოხილვა 27.11.2023
მიხეილ ბატიაშვილი - ქვეყნის ყველაზე მასშტაბური, ციფრული საინფორმაციო ფონდი მალე ხელმისაწვდომი გახდება
გაიცანით Kreston Georgia: გლობალური ექსპერტიზა გლობალური წარმატებისთვის
თიბისის მხარდაჭერით, კოლიერსი საგურამოში და ლისზე საცხოვრებელ პროექტებს განახორციელებს
საქართველოში „The Luxury Collection“-ის კლასის სასტუმრო „პარაგრაფ თბილისი“ გაიხსნა
ახალი Toyota C-HR: ავტომობილი, რომელსაც საქართველოში ბევრი ელოდება
ვალუტის გადარიცხვის ახალი სერვისი - Visa B2B Connect
Gebrüder Weiss თბილისში არსებული ლოგისტიკური ცენტრის რიგით მესამე გაფართოებას იწყებს