ვიმედოვნებ, რომ მთავრობა, ოპოზიცია და სამოქალაქო საზოგადოება საქართველოს მოსახლეობის ევროპული მისწრაფებების რეალიზებისთვის ერთად იმუშავებს, - ამის შესახებ საქართველოში საფრანგეთის ელჩმა, შერაზ გასრიმ განაცხადა.

„როგორც საქართველოში ყველამ იცის, ევროკავშირმა საქართველოს კანდიდატის სტატუსის მისაღებად კარი გაუღო. მე ვიმედოვნებ, რომ საქართველო, რომლის ადგილიც ევროპულ ოჯახშია, შეძლებს წლის ბოლოს ეს მნიშვნელოვანი ნაბიჯი გადადგას. მე არ მაქვს მოლოდინები, მე მაქვს იმედი და მნიშვნელოვანია, რომ საქართველოს ყველა პოლიტიკურმა ძალამ, სამოქალაქო საზოგადოებამ ამ მნიშვნელოვანი მიზნისთვის იმუშაოს, რადგან ეს გრძელვადიანი მიზანია და გრძელვადიან პერსპექტივაში ძალების გაერთიანებას საჭიროებს. ვიმედოვნებ, რომ მთავრობა, ოპოზიციური პოლიტიკური ძალები და მთლიანად სამოქალაქო საზოგადოება გააორმაგებენ თავიან ძალისხმევას, რომ იმუშაონ ერთად, კონსტრუქციულად და ინკლუზიურად, საქართველოს მოსახლეობის ევროპული მისწრაფებების რეალიზებისთვის“, - განაცხადა შერაზ გასრიმ.