ბომბის შესაძლო საფრთხის გამო საფრანგეთის ქალაქ კალეს მერიის ევაკუაცია განხორციელდა.

ამის შესახებ ინფორმაციას ქალაქ კალეს მერი, ნატაშა ბუშარი ავრცელებს.

კალეს მერის ცნობით, შენობაში პოლიცია მუშაობს და საგამოძიებო ოპერაციის დასრულებამდე მერია დახურული დარჩება. მერიის შენობის გარშემო მოძრაობა შეიზღუდა.

ცნობისთვის, მიმდინარე კვირაში კალეს მერიის ევაკუაცია ბომბის პოტენციური საფრთხის გამო, მეორედ გახდა საჭირო.