ვიდრე „ნაციონალური მოძრაობის“ წარმომადგენლებისგან ბოდიშს, ან ბოდიშისმაგვარს არ მოვისმენ, მანამ მათ დავამუნათებ, - ამის შესახებ თბილისის მუნიციპალიტეტის საკრებულოს წევრმა, შალვა ოგბაიძემ წარმომადგენლობითი ორგანოს სხდომაზე განაცხადა.

მისივე თქმით, პარტია „ნაციონალური მოძრაობის“ არცერთ წარმომადგენელს ჩადენილი დანაშაულების გამო ქვეყნის მოსახლეობისთვის ბოდიში დღემდე არ მოუხდია.

„ბოდიში თქვენგან არ მომისმენია, როდესაც საავტომობილო ფედერაციის პრეზიდენტი ცესკოს ყოფილი თავმჯდომარე ლევან თარხნიშვილი გახდა. არც მაშინ გამიგია თქვენგან ბოდიში, როდესაც მე „შემომთავაზეს“ საავტომობილო ფედერაციის დატოვება და ქონების დათმობა, არც ჩემი შვილების წამების და არც წართმეული ქონებების გამო“, - განაცხადა შალვა ოგბაიძემ.