კანონის წინაშე ყველა თანასწორია - მხილებული იქნები კორუფციულ დანაშაულში? - პასუხს აგებ! - ამის შესახებ უმრავლესობის დეპუტატმა გიორგი ცაგარეიშვილმა განაცხადა.

როგორც ცაგარეიშვილმა აღნიშნა, ეს შეტყობინება გაახმოვანა ბიძინა ივანიშვილმა პარტია "ქართული ოცნების" ყრილობაზე.

"კანონის წინაშე ყველა თანასწორია - დაწყებული ჩემით, დამთავრებული ქვეყნის პირველი პირებით: - პრემიერით, პრეზიდენტით, პარლამენტის თავმჯდომარით. დაარღვევ? პასუხს აგებ! მათ შორის მხილებული იქნები კორუფციულ დანაშაულში? - პასუხს აგებ! ამას წყალი არ გაუვა და ნურავის ექნება იმედი, რომ რამეს და ვინმეს ამოეფარება, ეს არის გამორიცხული. ეს შეტყობინება გაახმოვანა მათ შორის ბატონმა ივანიშვილმა, როცა "ქართული ოცნების" ყრილობაზე მობრძანდა", - განაცხადა გიორგი ცაგარეიშვილმა.