დონალდ ტუსკი - პოლონეთი უკრაინის ევროკავშირში სწრაფად გაწევრიანებას მხარს სრულად დაუჭერს

პოლონეთი უკრაინის ევროკავშირში სწრაფად გაწევრიანებას მხარს სრულად დაუჭერს , - ამის შესახებ პოლონეთის პრემიერ-მინისტრმა, დონალდ ტუსკმა ვოლოდიმირ ზელენსკისთან შეხვედრის შემდეგ განაცხადა.

„ჩვენ პრეზიდენტთან პოლონეთის როლის შესახებ შეთანხმებას მივაღწიეთ, რომელიც უკრაინის ევროკავშირში სწრაფად გაწევრიანებას მხარს სრულად დაუჭერს“, - განაცხადა დონალდ ტუსკმა.

დონალდ ტუსკის თქმით, პოლონეთი „უკრაინის უსაფრთხოების გარანტიების“ შესახებ „დიდი შვიდეულის“ სახელმწიფოების დეკლარაციას შეუერთდა.

„პოლონეთი „დიდი შვიდეულის“ დეკლარაციას შეუერთდა, რომლის მიზანი უკრაინის მხარდასაჭერად დემოკრატიული სახელმწიფოების მობილიზებაა“, - აღნიშნა პოლონეთის პრემიერმა.

ვოლოდიმირ ზელენსკიმ აღნიშნა, რომ უკრაინის ევროკავშირში გაწევრიანებასთან დაკავშირებით, ორივე ქვეყანამ სპეციალური საკონსულტაციო ჯგუფი უნდა შექმნას.

„ჩვენ ევროკავშირსა და ნატო-ში ერთად ვიქნებით. ჩვენ უკრაინას ერთად აღვადგენთ“, - აღნიშნა უკრაინის პრეზიდენტმა.

შეგახსენებთ, რომ პოლონეთის პრემიერ-მინისტრი, დონალდ ტუსკი კიევში დღეს ჩავიდა.

პაატა ზაქარეიშვილი - ჟენევის ფორმატი შეიქმნა რუსეთ-საქართველოს ომის შემდეგ და მას არანაირი კავშირი არ აქვს სოხუმთან და ცხინვალთან, რადგან ლავროვი ამას სოხუმის ხელით აკეთებს, ეს უფრო არის პიარი, პროპაგანდა და დემაგოგია
ქართული პრესის მიმოხილვა 29.02.2024
საქართველოს უნივერსიტეტმა 100 000-ლარიანი ფონდის გამარჯვებული პირველკურსელები გამოავლინა
ბერლინის ფილარმონიული ორკესტრის ევროპაკონცერტი წინანდალში
საერთაშორისოდ ცნობილი ბრენდები ევროპროდუქტში