პარლამენტის საპროცედურო საკითხთა და წესების კომიტეტმა “ქართული ოცნების“ დეპუტატის, მიხეილ სარჯველაძისთვის სადეპუტატო უფლებამოსილების ვადამდე შეწყვეტის საკითხს მხარი დაუჭირა.

სარჯველაძე ჯანდაცვის მინისტრის პოსტზე დაინიშნა, რითაც მან პარლამენტის წევრობასთან შეუთავსებელი თანამდებობა დაიკავა.

მიხეილ სარჯველაძისთვის უფლებამოსილების შეწყვეტის გადაწყვეტილებას პარლამენტი უახლოეს პლენარულ სხდომაზე მიიღებს.