აზერბაიჯანის რესპუბლიკაში ვიზიტით მყოფი პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძე მილი მეჯლისის თავმჯდომარე საჰიბა გაფაროვას შეხვდა.

პარლამენტის პრესსამსახურის ინფორმაციით, ორმხრივ შეხვედრაზე საქართველო-აზერბაიჯანის პარლამენტების დაახლოებისა და თანამშრომლობის გაღრმავების გზებზე ისაუბრეს.

მათივე ცნობით, შეხვედრაზე დარგობრივი კომიტეტების ერთობლივი საქმიანობის საკითხები განიხილეს.

„გივი მიქანაძემ, როგორც ევროპის საბჭოს საპარლამენტო ასამბლეის მუდმივმოქმედი დელეგაციის წევრმა, ყურადღება ასამბლეაში საქართველოს და აზერბაიჯანის თანამშრომლობის საკითხებზე გაამახვილა.

შეხვედრას საქართველოს საგანგებო და სრულუფლებიანი ელჩი აზერბაიჯანის რესპუბლიკაში ზურაბ პატარაძე ესწრებოდა“, - აღნიშნულია გავრცელებულ ინფორმაციაში.