ევროკავშირის ლიდერები ბოსნია-ჰერცეგოვინასთან ევროკავშირში გაწევრიანების შესახებ მოლაპარაკებების დაწყებაზე შეთანხმდნენ, - ამის შესახებ ევროპული საბჭოს პრეზიდენტი, შარლ მიშელი სოციალურ ქსელ X-ში წერს.

„ევროპულმა საბჭომ ახლახან მიიღო გადაწყვეტილება ბოსნია და ჰერცეგოვინასთან გაწევრიანების შესახებ მოლაპარაკებების გახსნასთან დაკავშირებით. თქვენი ადგილი ჩვენს ევროპულ ოჯახშია. დღევანდელი გადაწყვეტილება არის მთავარი წინ გადადგმული ნაბიჯი ევროკავშირსკენ მიმავალ თქვენს გზაზე“, – წერს მიშელი.

მისი თქმით, ინტენსიური სამუშაოები უნდა გაგრძელდეს ბოსნია-ჰერცეგოვინას სტაბილური განვითარებისთვის.